Бүлүү куорат үрдүкү начаалынай оскуола үөрэнээччилэрин хаартыската 1914 с. «Почтовай карточка» буолан бэчээттэммитэ. Бу хаартыскаттан сиэттэрэн Уруйдаана Саввинова, Үөһээ Бүлүү улууһун Нам библиотекатын сэбиэдиссэйэ, И.Н. Бараховка аналлаах аккырыыкка наборун оҥорор санааланар уонна ону тута олоххо киллэрэн барар.
И.Н. Барахов аатынан СӨ судаарыстыбаннаһын музейыгар харалла сытар хаартыскаларын, докумуоннарын үлэһиттэри кытта талан, бэрт улахан сыымайдааһын, аттарыы күүһүнэн уһулуччулаах салайааччы үлэтин көрдөрөр 10 аккырыыкка таҥыллар. Хас биирдии аккырыыкка куйаар куодтаах, манан киирэн аккырыыккаҕа баар чахчылар ырытыылара, музейга харалла сытар араас докумуоннар киирбиттэр. Аккырыыкка тиэмэлэрэ И.Н. Барахов судаарыстыбаннай үлэтин арыйар ис хоһоонноох, нууччалыы тылынан суруллубут.
Дизайнер Лев Саввинов — айылҕаттан дьоҕурдаах эдэр киһи И. Барахов дириҥ үлэтин арыйар ис хоһоонноох биир улахан үлэтэ. Өтөр аккырыыкка бэчээттэнэн киэҥ эйгэҕэ атыыга тахсыаҕа.
Евдокия Семенова, И.Н. Барахов аатынан СӨ судаарыстыбаннаһын музейын үлэһитэ.