«FINCROSS» үбү-харчыны сөпкө туһанарга уһуйуу оскуолата бэйэтин үөрэҕин саҕалыыр. Ааптар Анна Николаевна Яковлева биһиги саайпыт нөҥүө оҕолорго, төрөппүттэргэ үп-харчы эйгэтигэр бастакы хардыыны оҥорорго көмөлөһүө, финанса, инвестиция, бүддьүөт туһунан бастакы өйдөбүлү биэриэ.
Оҕону кыратыттан харчыны мунньарга үөрэтии
Оҕо аан бастакы харчы мунньар копилкатын илиитигэр тутта даҕаны, харчыны сатаан туттарга үөрэтиини саҕалыахха наада. Ол «копилка» туох баҕар буолуон сөп: таас бааҥка, кыраhыабай хоруопка, таҥас мөhөөччүк эбэтэр сөптөөх иhит.
Оҕо күн аайы дьиэтигэр кэлээт да,ол иһитигэр бытархай харчыны уган иhэр. Оннук гынан, бэйэтэ да билбэтинэн, харчыны мунньунарга, уурунарга үөрэнэр. Ону таhынан элбэх туhалааах үөрүйэҕи ылынар.
Харчыны мунньар оҕо туохха үөрэнэрий?
- Наадалаах хайысханы сөпкө талыыга. Туох сыаллаах харчыны мунньарый? Чахчы наадалаах сыалга эбэтэр ол мала суох сатанар дуо?
- Тулуурдаах буоларга үөрэнии. Баҕар мунньан испит харчыны бараан кэбиһэр ордук буолаарай? Эбэтэр салгыы мунньабын дуу? Оҕо кыра эрдэҕинэ, төрөппүттэр баҕарбытын барытын ылан биэриэхтэрин сөп. Улаатан истэҕин аайы, баҕата улаатан иһэр. Ону тутатына ылар үксүгэр кыаллыбат. Онон бэйэтэ мунньунар оҕо баҕа санаата туоларын тулуйан күүппүт буоллаҕына, ордук астынар, күүскэ үөрэр, өл малыгар харыстабыллаахтык сыһыаннаһар буолар.
- Баар харчыны сөпкө ааттарыы. Манна араас сыалга тус-туспа копилкаланыахха сөп диэн сүбэлиэххэ сөп.
- Үбү-харчыны мунньуу өйдөбүлүн ылыы. Оҕо харчытын копилкаҕа мунньар буоллаҕына, ол көмөтүнэн «банк», «депозит», «инвестиция» , ол эбэтэр харчыны уурунуу өйдөбүлүн , хайдах туһанары билиһиннэрэргэ судургу буолар.
Сорудах: Харчы мунньуоххун баҕараҕын дуо? Оччоҕо маннык гынарга сүбэлиибит:
- Туохха анаан харчы мунньаргын быһаар.
- Болдьохто туруор (срок): Саҥа дьылга диэри эбэтэр үөрэх дьылын бүтүүтүгэр.
- Хоскор копилката туруор уонна, дьэ, мунньан бар.