Ойуур баһаарын бохсууга араас хайысхалаах үлэни ыытар уопсастыбаннай добровольческай штаб атырдьах ыйын 9 күнүттэн Кыайыы 50 сыла спорткомплекс спортивнай саалатыгар көстө. Бу туһунан штаб салайааччыта, СӨ Уопсастыбаннай балаататын чилиэнэ Афанасий Алексеев иһитиннэрдэ.
Атырдьах ыйын 8 күнүнээҕи дааннайынан, баһаары бохсууга үлэҕэ штаб 212 киһини хомуйда, онтон: Горнайга — 48, Хаҥаласка — 28, Үөһээ Бүлүүгэ — 30, Намҥа — 25, Кэбээйигэ — 63, Уус Алдаҥҥа — 10, Тааттаҕа — 9 киһи үлэлиир.
Билиҥҥитэ баһаары утары үлэлииргэ эр дьон тиийбэт, баҕалаах дьон 89148247506, 508-892, 508-893 төлөпүөннэргэ эрийэн билсиэххитин сөп.
Штаб саҥа аадырыһа: Орджоникидзе уул. 28 №-рэ (Кыайыы 50 сыла спортивнай комплекс).