Азия оҕолорун оонньуулара 1996 сыллаахха Саха Өрөспүүбүлүкэтин бастакы Ил Дархана М.Е. Николаев көҕүлээһининэн ыытыллыбыта. 1996 сыллаахха I Азия оонньууларыгар эдьиийим, Таатта улууһун Чымынаайы нэһилиэгиттэн төрүттээх Федора Игоревна Иванова (Саввина) дуобакка 2 миэстэни ылбыта.
Федора Игоревна ыам ыйын 26 күнүгэр 1979 сыллаахха Таатта улууһун Чымынаайы нэһилиэгэр төрөөбүтэ. Кини дуобакка араас таһымнаах күрэхтэргэ чемпиона, 1, 2, 3 миэстэлээх.
Саамай улахан ситиһиитинэн 1996 сыллаахха Дьокуускайга буолбут Аан дойдутааҕы «Азия оҕолоро» I оонньууларыгар дуобат көрүҥэр II миэстэни ылбыта буолар.
Азия оонньууларын кини маннык ахтар:
«Азия оҕолоро I ооньууларыгар кыттыбыппыттан олус астынабын, киэн туттабын. Билигин санаатахха үчүгэй да тэрээһиннэргэ сылдьыбыт эбиппин. Киһи санаатыгар биир улахан бырааһынньык курдук өйдөбүл хаалбыт, күрэхтэһии бүтүүтүгэр бары сонньуйан, наһаа түргэнникбүппүт курдук санаалаах тарҕаспыппыт. Биир саамай өйдөөн хаалбыт түгэним – күрэх түмүктэммитин кэннэ миэстэлэспит оҕолору барыбытын теплоходунан Өлүөнэ очуостарыгар теплоходунан күүлэйдэппиттэрэ буолар».
Эдьиийбинэн киэн туттабын, Азия оҕолорун оонньууларыгар кыттааччыларга ситиһиилэри баҕарабын!
Артур Саввин, Таатта улууһун
Г.Д. Бястинов-Бэс Дьарааһын аатынан Чымынаайы
орто оскуолатын 7 кылааһын үөрэнээччитэ