Бүгүҥҥүттэн Владивосток куоракка «Азия оҕолоро» VII-с сайыҥҥы норуоттар икки ардыларынааҕы спортивнай оонньуулар саҕаланнылар. Арассыыйа Олимпийскай кэмитиэтин пресс-сулууспата иһитиннэрэринэн, оонньуулар тэрээһиннэригэр алта олимпиада чемпионнара кыттыыны ылыахтара.
Ол курдук, «Токио-2020» спортивнай гимнастикаҕа олимпийскай чемпионката Лилия Ахаимова, «Рио-2016» олимпиадатын кыайыылааҕа гимнастка Вера Бирюкова уонна «Лондон-2012» олимпиадатын үрүҥ көмүс призера, гимнастка Дария Дмитриева, «Рио-2016» ууга харбааһыҥҥа боруонса призера Антон Чупков, «Пекин-2008» боксаҕа боруонса призера, биир дойдулаахпыт Георгий Балакшин уонна сноубордка аан дойду икки төгүллээх чемпиона Софья Надыршина бочуоттаах ыалдьыт быһыытынан кыттыыны ылыахтара.
Биллиилээх спортсменнар уот умайыытын эстафетатыгар, «Азия оҕолоро» оонньуулар үөрүүлээх аһыллыытыгар уонна сабыллыытыгар кыттыыны ылыахтара.
keskil14.ru