Ыам ыйын 14 күнугэр, Пионерия күнүн көрсө Бүтүн Арассыыйатааҕы «Артек» лааҕыр төрүттэммитэ 100 сыллыгар, «Кэскил» «Бэлэм Буол» хаһыат 89 сылларыгар аналлаах Артековец өрүү Артековец! диэн ааттаах көрсүһүү «Артек» лааҕырга сылдьыбыт артековецтары, хаһыат бэтэрээннэрин уонна билиҥҥи юнкордары түмтэ.
Биһиги 39 нүөмэрдээх оскуола юнкордара кэлэн көрсүһүүгэ көхөтөөх кыттыыны ыллыбыт, артековецтар кэпээннэрин болҕойон олорон иһиттибит.
1925 сыллаахха тэриллибит «Артек» Аан дойдутааҕы лааҕырга оччотооҕу, араас сылларга «Бэлэм Буол» хаһыат юнкордара баран сынньанан кэлбиттэр эбит. Артекка пионерскай дружиналар, лидердэр, юнкордар, үөрэх отличниктара бараллар эбит. Кинилэр «Артек» лааҕырга сылдьыбыт кэмнэрин хаһыакка ыстатыйалары суруйаллара.
Бу көрсүһүү 1985 сыллаах артековецтар көҕүлээһиннэринэн ыытыллынна. Бу сыл Саха сириттэн 19 оҕо буолан барбыттар. Бараары тураннар «Бэлэм Буол» редакциятыгар Нина Иннокентьевна Протопопованы кытта көрсөн хаартыскаҕа түспүттэр эбит. Марина Сергеевна Яковлева билигин бу хаартыскаҕа баар оҕолор ханнык идэни талан үлэлии-хамныы сылдьалларын туһунан билиһиннэрдэ.
Марина Сергеевна Яковлева, 1985 сыллаа5ы артековец: Мин 1985 сыллаахха Артекка сылдьыбытым. Юнкоровскай пост о5олоро юнкоровскай сменага сылдьыбыппыт. Наһаа элбэх тэрээьиннэр буолбуттара, ол курдук пионерская правда хаһыат, бэлии даталарга аналлаах тэрээһиннэр буолбуттара. Саамай өйдөөн хаалбыт түгэним барабанщиктар 60 буолан хаампыттара. Пионерская правда хаһыат 60 сыллаах тэрээьинигэр барабанщиктар отрядтарыгар киирэн хаампыпптын өйдөөн хаалбытым. Артекка сылдьыбытым олохпор наһаа элбэҕи биэрбитэ, наһаа элбэххэ үөрэммитим, элбэх доҕордоммутум, Сойуус оччотооҕу оҕолорун кытта наһаа элбэхтик суруйсар этим. Онтон оскуолабар кэлэн баран пионерский хамсааһын, Пионерскай Дружина Сэбиэтин бэрэссэдээтэлэ буолан араас тэрээһиннэри ыытар буолбутум.
Мотрена Ивановна Парфенова, 1985 сыллааҕы артековец: 10 оҕо Хрустальнай дружинаҕа, 10 оҕо Морской дружинаҕа сынньаммыттара, мин бэйэм Морской дружинаҕа сынньаммытым. Оччолорго Саманта Смит диэни истибиккит буолуо, Америкаттан кэлэн эмиэ Морской дружинаҕа сылдьыбыт этэ. Омук сириттэн элбэх оҕо сынньанар этэ. Тыа сириттэн тиийбит оҕолорго улахан событие курдук этэ. 40 хонугу быһа араас сирдэринэн сырытыннарбыттара, Севастопольга, Крым куораттарын барытын кэрийбиппит. София Ротару тыыннаахтыы ыллыырын көрөммүт олус үөрбүппүт. Биһиги Саха сириттэн барбыт оҕолор бары тэрээһиннэргэ, бэстибээллэргэ көхтөөхтүк кыттан иһэрбит. Арааһынай куруһуоктарга сылдьарбыт. Артек биһиги олохпутугар сырдык сулус буолан баччааҥҥы диэри кэллэхпит. Олуһун диэн «Бэлэм буол» хаһыакка махтанабыт.
Ефимова Евдокия Данилова, 1981 сыллааҕы артековец: Мин Орто Халымо оройуонугар Эбээх орто оскуолатыгар 1981 сыллахха 5 кылааска үөрэнэ сылдьан «Артекка» «Озернай» лаҕыырга сынньанан кэлбитим. Биһигини аан бастан «Озернай» лааҕырга Хара муораҕа ильдьэннэр кипарис салаатын биэрэн бараннар барыбытын кытары билиспиттэрэ. 40 тахса этибит этэрээккэ. Биһиги хоспутугар 15 этибит. Үгүс элбэх үөрэх уонна тэрээһин буолара. Ол курдук, мин хаартыскаҕа түһэриигэ сылдьыбытым уонна хор ансаамбылыгар сылдьыбытым. Ордук сөбүлээн интервью уонна оҕолорго суруйарга кыракый бэлэтээһиннэри оҥорбутум. Уонна аан биһиэхэ тиийбиппитигэр тэтэрэттэри биэрбиттэрэ уонна онно хас күн ахсын «Дневник Артековца» диэни суруйар этибит. Сарсыарда сэрээккэттэн саҕалаан тугу гынарбытын биэрэмибитин аттарарга үөрэпиттэрэ уонна оҕолору кытта бииргэ биир тылы булан ,кинилэри кытары бииргэ сылдьан үгүскэ элбэххэ үөрэммиппит. Ол кэннэ кэллимин бэйэм оскуолабар дружинаҕа староста быһыытынан үлэлээбитим уонна үгүс элбэх тэрээһиннэри ыытарым. Артекка сылдьыбытым уонна онно үөрэммитим наһаа улаханнык туһалаан билинҥээнни дылы туһалаан ханнык баҕар тэрээһини ыытарбар көмөлөспүтэ. Артековец быһыытынан граны олохтооммут Эбээх орто оскуолатыгар саамай көхтөөхтөргө, үчүгэй үөрэхтээхтэргэ, туйгуннарга анал грамотаны, граны туттарабыт.
Кэлбит ыалдьыттар бары ааспыт кэмнэрин санаан- ахтан, доҕотторун кытта көрсөн, оҕо саастарыгар аҕыйах бириэмэҕэ төннөн пионерскай ырыалары дуоһуйа ыллаан тарҕастылар.
Саша ФЕДОРОВА, Аэлина ХАЛЫЕВА,
7 кылаас үөрэнээччилэрэ, Н.И. Шарин аатынан №39 оскуола