Саҥа үөрэх дьыла саҕаланан, хас биирдии оскуолаҕа араас тэрээһиннэр ыытыллан эрэллэр. Бүгүн Амма улууһун Бөтүҥ оскуолатын сонунун кытта билсиҥ.
Балаҕан ыйын 14 күнүттэн кэтэһиилээх үөрэхпит дьыла саҥа оскуолабытыгар саҕаланна. Кылааһынан үс аңы сүһүөххэ арахсан, ол эбэтэр, алын сүһүөх 1-4 кылаастар, орто сүһүөх 5-8 кылаастар уонна үрдүкү сүһүөх 9-11 кылаастар блоктарынан арахсан үөрэхпитин саҕалаатыбыт. Роспотребнадзор ирдэбилинэн оҕолору киирэр ааҥҥа дьуһуурунай учуутал температураларын бэрэбиэркэлээн, илиилэрин антисептигынан ыстаран, испииһэккэ бэлиэтээн киллэрэр. Маннык дьалҕааннаах кэмҥэ бэйэ-бэйэни харыстыаҕыҥ, сэрэхтээх буолуоҕуҥ!
Быйыл саҥа оскуолаланаммыт, киэҥ олбуорданаммыт оҕуруот аһын арааһын өлгөмнүк үүннэрдибит.
Балаҕан ыйын 21-25 «Көмүс күһүн» нэдиэлэтин күннэринэн биллэрилиннэ. Ол курдук, үүннэрбит оҕуруоппут аһыттан элбэх битэмииннээх борщ миинин оҕолорбут тото-хана истилэр. Сайыны быһа оҕуруоппутун көрбүт-истибит учууталларбытыгар, оскуолабыт үлэһиттэригэр махталбыт муҥура суох.
Биһиги выпускниктарбыт өйөбүллэрэ, кинилэр биир киһи курдук сүбэлэһэн, төрөөбүт оскуолаларыгар умнуллубат бэлэх оңорбуттара олус күндү буолар. Быйылгы үөрэх дьылыгар Бөтүң орто оскуолатын маҥнайгы выпускниктара биһиги коллективка олус үчүгэй ыскамыайка бэлэх ууннулар. 1975 сыл выпускниктарын ааттарыттан Надежда Афанасьевна Неустроева: «Инникитин бу акцияны салҕаан, төрөөбүт оскуолабытын сайыннаран, инники көлүөнэбитигэр үөрүүнү бэлэхтиэҕиҥ»,- диэн баҕа санаатын тиэртэ. Бу скамейкабыт учуутал скверыгар ананан, » Билии ыскамыайката» диэн сүрэхтэннэ. Махтал буоллун эһиэхэ, күндү выпускниктар!
Бу бырайыак төрдө — «Амма улууһун ытык сирдэрэ» кинигэ буолар. Кинигэ ааптардара, биир идэлээхтэрбит Светлана Илларионовна Нестерова, олохтоох энтузиаст-краевед Алексей Михайлович Нестеров уонна педагог библиотекарь Василина Васильевна Борисова буолаллар.
Хас биирдии кылаас кинигэ ааптардарын кытта Бөтүҥ нэһилиэгин ытык сирдэринэн анал маршруттарынан сылдьан, сорудах толорон күннэрин туһалаахтык атаардылар.
