Мин аатым Иванов Алеша, Бүлүү 1-кы нүөмэрдээх оскуола 6 “Б” кылааһын үөрэнээччитэбин. Мин дьиэ кыылларын, көтөрдөрүн көрөрбүн-харайарбын сөбүлүүбүн.
Ол курдук билигин перепелка сымыытын атыылаһан, инкубатарга таһаара турабын. Сымыыты сотору-сотору эргитэ сылдьабын, 37 ° С тутабыт. Уу кутан биэрэ сылдьабыт уонна салгылатабын. Сымыыты укпутум 10 ча хонук буолла, уокка сырдатан көрдөххө, ситэн эрэр сымыыт эмбриона көстөр.
Кус иитэбин, онтум саҥа сымыыттаата, бастакы сымыыты ылар наһаа үөрүүлээх эбит. куспун таһааран күүлэйдэтэбин, үксүн килиэккэҕэ турар. Кыһынын гаражка туруорабыт. Аһылыга килиэп уонна анал кор сиэтэбит. Халлаан сылыйдаҕына тиэргэҥҥэ чалбахха сөтүөлүүр.
Африкаттан кэлбит шиншиллэ баар. Аата “Шуршик” диэн, атыыр. Кинини сухофруктанан, хаппыт сибэкки сэбирдэҕинэн, талаҕынан, мас туорааҕынан аһатабын. Өҥө уларыйар, сороҕор маҥан буолар. Кумахха суунар, опилка кутуллубут килиэккэҕэ турар.
Икки ыттаахпыт. Биир ытым «Чернай” диэн ааттаах, сыла буолан эрэр. Кинини кэлин тайахха бултуо диэн иитэбит, баайыллан турар. Иккис ытым “Бөтөс” диэн, кини “Чэчир” маҕаһыын ыскылаатыгар харабыллата илдьибиттэрэ. Бөтөс кус таһаарарын иһин, куруук бултка илдьэ бараллар.
Куоскам «Тайгир” диэн ааттаах. Кыылларбытын 6 кылааска үөрэнэр балтым Иза, эдьиийим Алина эмиэ көрсөллөр. Бу көтөрү, перепелка сымыытын, шиншилланы аҕам Алексей Алексеевич Дьокуускайтан атыыласпыта. Кыыллары, көтөрдөрү хайдах көрөрү-харайары интернеттан ааҕан үөрэтэбин.
Алеша ИВАНОВ, Бүлүү 1 № -дээх
Г.И. Чиряев аатынан оскуола
6 «Б» кылааһын үөрэнээччитэ