Айыы Кыһатын VII «г» кылааһын үөрэнээччилэрэ (кылаас салайааччыта уонна режиссёр Ольга Игнатьевна Осипова) биир чаастаах испэктээкил оонньоон көрдөрдүлэр. Андрей Кузнецов «Московские каникулы» кэмиэдьийэтин бүгүҥҥү кэмҥэ уонна Дьокуускайга аҕалан «Якутские каникулы» диэн испэктээкили туруордубут. Итиниэхэ балтараа ый бэлэмнэннибит.
Оҕолор бары бэлэмнэнии саҕаланыаҕыттан испэктээкилгэ диэри сырыттылар. Элбэҕи үлэлээтилэр, үөрэттилэр уонна биллилэр. Испэктээкил ис хоһооно арыый улахан оҕолорго сөптөөх да буоллар, оҕолор бэйэлэрин саастарыгар сөптөөхтүк өйдөөн, ылынан оонньоотулар. Туох баар кыахтарын ууран туран, улахан сааланы толору көрөөччү олорор диэн симиттибэккэ, долгуйууларын, кыбыстыыларын кыайа тутан оонньоотулар.
Испэктээкил бүгүҥҥү улаатан эрэр оҕолор бэйэ-бэйэлэригэр сыһыаннарын, олоххо сыал баар буоларын, албын куһаҕанын туһунан итэҕэтиилээхтик көрдөрдүлэр.
Сүрүн оруоллары Катя Егорова, Владик Колесов, Егор Иванов, Таня Аммосова, Никояна Лукина, Валера Старостин, Вика Слепцова, Эржена Аюшеева, Лёня Керегяев толордулар. Декорациялары уонна испэктээкил техническэй өттүн кылаас үөрэнэччилэрэ Марина Лукина, Арина Кутугутова, Дамир Васильев, Айыы Сээн Гоголев, Данил Шергин сатабыллаахтык оҥордулар.
О.И.Осипова, Айыы Кыһатын учуутала.