Алтынньы 6 күнүгэр спорт саалатыгар оҕолор уонна учууталлар үмүөрүһэ мустан, сүүрэн-көтөн, ыллаан-туойан, үҥкүүлээн сынньанан тарҕастылар.
Оҕону иитиигэ үлэлэһэр тэрийээччи Елена Ивановна Садовникова ыытааччылаах, «Көрдөөх старт» 5 үөрэх кэрдиистэригэр араарыллан ыытылынна. Ол курдук, нуучча тыла, литература, физкультура, уруһуй предметтэр тула интэриэс тардан, үөрэнээччи уонна учуутал ситимин көрдөрөр сыаллаах тэрээһин үрдүк таһымнаахтык ааста.
«Адреналин», «Ну, погоди!», «Спортивное братство», «Лингвисты» хамаандалар күөн көрүстүлэр. Дьүүллүүр сүбэ быһаарбытынан муҥутуур кыайыылааҕынан, физкультура учуутала, М.Л. Ноговицын хапытааннаах «Спортивное братство» кыайыылаах аатын сүктэ! Бары кыттааччылар минньигэс бириис туттулар.
Валерия Стручкова, София Зырянова, «Элгэс эрэллэрэ» эдкорпост