Олунньу 13 күнүгэр Дьокуускайга А.С.Макаренко аатынан куонкурус регионнааҕы түһүмэҕэ түмүктэннэ. Бу туһунан «РРЦ Юные якутяне» методиһа Марина Сивцева билиһиннэрэр.
Антон Семенович Макаренко – аан дойдуга биллэр сэбиэскэй педагог, суруйааччы. Кини иитии-үөрэтии эйгэтигэр ыыппыт үлэтэ сэбиэскэй кэминээҕи үөрэхтээһин олугунан буолбута.
Куонкурус сыалынан-соругунан үөрэнээччилэри үлэнэн иитии, үөрэх тэрилтэлэрин үптэрин-хаһаайыстыбаларын сөптөөхтүк дьаһанан олорууларын бастыҥ уопутун тарҕатыы, өйөбүл буолар. Тэрээһин агрооскуолалар ураты уопуттара билиҥҥи кэмҥэ олус наадалааҕын, туһалааҕын көрдөрдө. Куонкуруска үлэлии турар социальнай бырайыактар, оҕону сайыннарар научнай-техническэй айар, бырайыактыыр-чинчийэр үлэлэр, социальнай урбаанньыттар уопуттара киирдилэр.
Куонкуруһу 2003 сыллаахха Автономнай коммерческайа суох «Редакция «Народное образование» тэрилтэ уонна аан дойдутааҕы Макаренковскай ассоциация тэрийбиттэрэ. Регионнааҕы түһүмэҕин тэрийээччитинэн СӨ үөрэҕин министиэристибэтэ буолар. Бириистэри «РРЦ Юные якутяне» туруорда. Жюри састаабыгар Экостанция методистара М.С.Донская, М.В.Сивцева, Н.М.Герасимова, СӨ Агрооскуолаларын сойуустарын толорор дириэктэрэ П.Г.Дягилев, 2019 сыллааҕы А.С.Макаренко аатынан аан дойдутааҕы куонкурус призера Д.И.Скрябина киирдилэр.
Бу сылга куонкурус онлайн ыытылынна. Агрохайысхалаах үөрэх 11 тэрилтэтэ кыттыыны ылла.
Аан дойдутааҕы Макаренковскай форум 2020 с. олунньу 21-24 күннэригэр онлайн ыытыллыа.
Куонкурус регионнааҕы түһүмэҕин түмүгүнэн кыайыылаахтарынан буоллулар:
1 миэстэ — Мэҥэ Хаҥалас улууһун А.В.Чугунов аатынан Мэлдьэхси орто оскуолата.
2 миэстэ — Томпо улууһун Сэбиэскэй Союз Геройа Ф.М. Охлопков аатынан Кириэс-Халдьаайы орто оскуолата.
П.Н. и Н.Е. Самсоновтар ааттарынан Дьокуускай уокуругун Хатас орто оскуолата.
3 миэстэ – Орто Халыма улууһун Г.Г. Софронов аатынан Өлөөкө-Күөл агрофермер хайысхалаах оскуолата.
Дьокуускай уокуругун Тулагы орто оскуолата.
Үөһээ Бүлүү улууһун Кэнтик орто оскуолата.
4 миэстэ – Нам улууһун 2-Хомустаах оскуолата.
5 миэстэ — Үөһээ Бүлүү М.Т.Егоров аатынан 2 №-дээх оскуолата.
6 миэстэ – Эбээн Бытантай улууһун И.Н.Слепцов аатынан Кустуур оскуолата.
7 миэстэ – Уус-Алдан улууһун М.Н.Готовцев аатынан Танда оскуолата.
8 миэстэ — Амма улууһун Чакыр орто оскуолата.