Алтынньы 1 күнүгэр, Аҕам саастаахтар күннэригэр, Кустуур орто оскуолатын 6 кылааһын үөрэнээччилэрэ «Артек» лааҕырга Саккырыыртан аан бастакы оҕонон сылдьыбыт Иван Васильевич Старостины эҕэрдэлээн кэллибит.
«Оскуолам биһигэ» ырыаны ыллаан иһиттиннэрдибит уонна ирэ-хоро кэпсэттибит. Иван Васильевич биһиэхэ «Артек» лааҕырга үчүгэй үөрэҕин иһин бара сылдьыбыт. Онно кини баара-суоҕа 4 кылаас эбит. Ол саҕана Кустуурга 4 эрэ кылаас баар эбит. Урут нулевой кылаас баарын сөҕө иһиттим.
Иван Васильевич барарыгар биһиги бөһүөлэкпитигэр самолёт саҥа көтөн эрэр кэмэ эбит. «Артекка» Саха сириттэн ол сыл 14 оҕо сынньаммыт: хоту улуустартан Үөһээ Дьааҥыттан, Халыматтан, Булунтан, Анаабыртан, Абыйтан. Кинилэри тыа хаһаайыстыбатын старшай учуонайа, кэриэй Юн арыаллаан илпит.
Иван Васильевич биһиэхэ үөрэхпитигэр кыһалларга, төрөөбүт дойдубутун харыстыырга ыҥырда.
Дима Горохов, 6 кылаас үөрэнээччитэ, Кустуур орто оскуолата.
keskil14.ru