Академик В.П. Ларионов аатынан өрөспүүбүлүкэтээҕи XXVIII «Инникигэ хардыы» эдэр чинчийээччилэр кэмпириэнсийэтигэр Таатта улууһун С.Р.Кулачиков-Эллэй аатынан Чычымах орто оскуолаттан 9 үөрэнээччи бэйэлэрин чинчийэр үлэлэрин дьүүллүүр сүбэҕэ билиһиннэрдилэр.
Ол курдук, 11 кылаас үөрэнээччитэ Михайлова Дарина «Кулаковскай нэһилиэстибэтэ» салааҕа «А.Е.Кулаковскай-Өксөкүлээх Өлөксөй туһунан интерактивнай оонньуу» дакылаатынан ситиһиилээхтик кытынна (салайааччыта Прокопьева Людмила Владимировна, английскай тыл учуутала).
Кулаковская Надежда Николаевна, химия учуутала, салайыытынан кытыннылар:
Попов Чаҕыл, 8 кылаас, чинчийэр үлэтин тиэмэтэ «Бааһынай хаһаайыстыбаҕа үүнээйини үүннэриигэ ast.dijitalagro.ru сайты туһаныы».
Павлова Диана, 11 кылаас, «Таатта улууһун Чычымаҕын күөллэрин уутун хаачыстыбатын чинчийии» тиэмэтинэн үһүс истиэпэннээх дипломант буолла.
Местникова Ира, 8 кылаас, чинчийэр үлэтин тиэмэтэ «Ынах этин хаачыстыбатын үөрэтии» — иккис истиэпэннээх дипломант.
Иванова Дария Егоровна, биология учуутала, салайыытынан кытыннылар:
Унаров Артем, 9 кылаас, «Амма нэһилиэгин сиригэр-уотугар булуллубут былыргы кыыллар уҥуохтарын чинчийии» (Исследование фрагментов костей древних животных, найденных на территории Амгинского наслега).
Малышев Юра, 7 кылаас, «Таатта улууһун Амма нэһилиэгэр үүнээйилэр сообществоларын тэҥнээн көрүү» (Сравнение ценофлор растительных сообществ окрестностей с. Чычымах Таттинского улуса).
Миронова Саина, 9 кылаас, «Таатта улууһун Амма нэһилиэгин араас биотоп үүнээйилэрин фенологиялара» (Фенология растений разных биотопов в окрестностях Амгинского наслега Таттинского улуса).
Оҕолор «Күн Сардаҥата» өрөспүүбүлүкэтээҕи экологическай научнай практическай экспедицияҕа сайыҥҥы кэмҥэ хонууга сылдьан чинчийэр үлэлэрин туһунан билиһиннэрдилэр.
Унарова Амеилита «Дьэдьэни гидропоникаҕа сылы эргиччи үүннэрии уратыталара» (Особенности круглогодичного выращивания земляники на гидропонике) — үһүс истиэпэннээх дипломант.
Канаева Лиза, 9 кылаас «Амма нэһилиэгин почваларын үөрэтии» («Изучение мерзлотных почв Амгинского наслега») — бастакы истиэпэннээх дипломант, Бүтүн Арассыыйатааҕы «Арассыыйа национальнай баайа» талааннаах ыччат ситиһиилэрин куонкурустарыгар кыттарга мэктиэлэннэ.
Оҕолор «Научное лето онлайн» уонна Бүтүн Арассыыйатааҕы сетевой бырайыактарга кыттан, сылы эргиччи үлэлэрин түмэн, сурукка тиһэн, экспердэр иннилэригэр чиэстээхтик көмүскээтилэр. Төрөөбүт дойдуларын үөрэтэн, дьоҥҥо-сэргэҕэ, биир саастаахтарыгар билиһиннэрдилэр.
Дария Иванова, Чычымах, Таатта.