Алтынньы ыйын 4 күнүгэр Бороҕоҥҥо “Өркөн” оҕону эбии үөрээхтээһин киинигэр саҥа «МедиаЛаб» диэн медиакоммуникацияны сайыннарар кабинет арыллыыта буолла. Бу кабинетка медиа өттүгэр, ол эбэтэр анимация, монтаж, звукозапись, мультик оҥорон таһаарыы, хаартыскаҕа түһэриигэ барытыгар үөрэниэххэ уонна сайдыахха сөп. Медиалабараторияҕа эбии үөрэхтээһин киинин коллективын бырайыага бу сайын “Инносфера 2023” грантовай конкурска кыайбыылаах тахсыбыта. Ол түмүгэр, араас аныгылыы саҥа элбэх туттар тэриллэр кэлбиттэр. МедиаЛаб быйылгы үөрэх дьылыгар “Медиашкола” саҥа үөрэх программатынан үлэлиир былааннаах, ол курдук бу программа алта интенсивынан “Медиажурналистика”, “Графическай дизайн”, “Анимация”, “Киинэ оҥоруута”, “ТВ уонна радио”, “Социальнай ситимнэр” сылы эргиччи улуус оскуолаларыттан, нэһилиэктэртэн ким баҕалаах кэлэн үөрэниэн сөп.
![](https://keskil14.ru/wp-content/uploads/2023/10/WhatsApp-Image-2023-10-04-at-14.11.17-1024x768.jpeg)
![](https://keskil14.ru/wp-content/uploads/2023/10/WhatsApp-Image-2023-10-04-at-14.11.07-1024x683.jpeg)
МедиаЛаб үөрүүлээх арыллыытыгар Уус-Алдан улууһун баһылыгын солбуйаачы Сторожев А.Д., улуус үөрэҕин управлениетын начальнигын солбуйааччы Никонов И.И., үөрэх управлениетын иитиигэ уонна эбии үөрэхтээһиҥҥэ отделын начальнига Сивцева И.Е., культура управлениетын начальнига Нафанаилов С.С., ону таһынан видеосибээһинэн кыттыыны ыллылар. СӨ Үүнэр көлүөнэ целевой фондатын салайааччыта Егоров В.А., “Юные якутяне” республикатааҕы ресурснай киин начальнигын солбуйааччы Жирков Д.И. кыттыннылар. МедиаЛаб иитиллээччилэрэ сатабылларын кэлбит ыалдьыттарга көрдөрдүлэр, кэпсээтилэр.
![](https://keskil14.ru/wp-content/uploads/2023/10/WhatsApp-Image-2023-10-04-at-14.11.28-1024x577.jpeg)
Билиҥҥи кэмҥэ медиакоммуникативнай сатабыллар наадалаахтар, оҕо инники идэтин буларыгар маннык кабинеттар, куруһуоктар күүс –көмө буолуохтара диэн эрэнэбит.
Ньургуйаана Гуляева,
Чараҥ орто оскуолатын 9 кылааһын үөрэнээччитэ,
“Өркөн” оҕону эбии үөрэхтээһин пресс-киинэ