Биһиги оскуолабыт эмиэ уруккаттан олоҕурбут баай традициялаах, үгэстэрдээх. Биир улахан үгэһинэн Турслет тэрээһиммит буолар.
Ыам ыйын 20 күнүгэр 1– 10 кылааска дылы үөрэнээччилэр бука бары турслекка кыттыыны ыллыллар. Быйылгы үөрэх дьылын түмүктүүр тэрээһиммит, Педагог уонна наставник сылынан ветеран учуутал Михайлова Наталья Дмитриевна 75 сааһыгар анаан ыытылынна. Манна кылаас хамаандалара түһүмэхтэринэн араас туризм күрэхтэрин, мэһэйдэрин аастылар. Кылаас барыта тэрээһиннээх, территорияттан саҕалаан формаларыгар диэри. Буоларын курдук этаптара: разжигание костра, сигнализация, тургазета, первая помощь, географическая викторина, эстафета, полоса препятствий. Халлааммыт туран биэрэн оҕолор да, төрөппүттэр да, ыалдьыттар да айылҕаҕа сынньанан, оонньоон-көрүлээн, дуоһуйан бардылар.
Олус тыҥааһыннаах, интириэһинэй киирсии кэнниттэн кыайыылаахтар кыра кылаастарга 4а кылаас (сал.Капитонова Н.Ф.), орто сүһүөххэ 8б кылаас (Татаринова В.Д.). Кыайыылаах кылаас Наталья Дмитриевна сүрүн бирииһин — принтеры бэлэх ылан үөрүүлэрэ үксээтэ.
Бу күн элбэҕи билэн, күрэхтэһэн бары да астынан быйылгы дьыл бүтэһик тэрээһинин түмүктээтибит.
В.Н.Оконешников аатынан Павловскай орто оскуолатын пресс киинэ