Аан дойдуга олунньу 14 күнэ — кинигэ бэлэхтээһинин күнэ. СӨ Национальнай библиотекатын көҕүлээһининэн олунньу 7 күнүттэн 14 күнүгэр диэри «Кинигэтэ бэлэхтээ» акция Ороһу нэһилиэгэр эмиэ ыытылынна.
Олохтоох библиотека ол акцияҕа эмиэ кыттыһан, нэһилиэкпит икки маҕаһыыныгар акция коробкатын ууран, Ороһу олохтоохторо көхтөөх кыттыыны ыллылар. Акцияҕа уопсайа 60-тан тахса кинигэ, үөрэх тээбиринэ киирдэ.
Библиотекарь Жанна Семеновна уонна техүлэһит Екатерина Константиновна киирбит бэлэхтэри наардаан, элбэх оҕолоох ыалларга уонна соҕотох олорор кырдьаҕас дьоҥҥо илдьэн түҥэттилэр.
Оҕолор уонна саастаах дьон соһуччу бэлэхтэн олус үөрдүлэр. Биһиги эмиэ олус үөрдүбүт, бэлэхтэммит кинигэлэри дьиэ кэргэммитинээн ааҕыахпыт.
Бу маннык аһымал акция оҕолору үтүө санаалаах буоларга иитэр. Бары кыттыбыт Ороһу олохтоохторугар махталбытын биллэрэбит.
«Тымтык» эдкорпост, Ороһу.