Быйыл дойду үрдүнэн биллэриллибит Педагог уонна уһуйааччы сылыгар Горнай улууһугар үөрэхтээһин тэриллибитэ 125 сылын бэлиэтиир. Үбүлүөйдээх сыл үөрүүлээх арыллыыта улуустааҕы үөрэҕирии үлэһиттэрин уонна общественноһын олунньутааҕы сүбэ мунньаҕар ыытылынна.
Улахан суолталаах тэрээһин пленарнай мунньаҕа Дьокуускай куораттан «Оҕо саас сирдьитэ» ресурснай киин салайааччыта Нюргуяна Макарова, «Юнармия» эрэгийиэннээҕи отделениетын штабын салайааччыта, Дьокуускайдааҕы кадетскай интэринээт-оскуола дириэктэрин солбуйааччыта Александр Кузьмин, М.К. Аммосов аатынан ХИФУ «Бырайыак офиһа» салайааччыта Галина Соломонова, С.Н. Донской-II аатынан үөрэҕи сайыннарар уонна идэни үрдэтэр институт дириэктэрин солбуйааччыта Ольга Михалева кыттыылаах ааста.
Аан бастакы оскуола Улуу Сыһыы учаастагар 1898 сыллаахха Николаевскай церковька арыллыбыта диэн оройуон историята кэрэһэлиир. Онтон билигин улуус үрдүнэн 29 үөрэх тэрилтэтэ, ол иһигэр 11 оскуола, 15 уһуйаан, 3 эбии үөрэхтээһин тэрилтэтэ баар. 2300 тахса үөрэнээччи оскуолаҕа үөрэнэр, 1 тыһыынчаттан тахса кырачаан уһуйааҥҥа сылдьар.
Салгыы видеоҕа көрүҥ:
keskil14.ru