Мэҥэ-Хаҥалас мин төрөөбүт уонна олорор улууһум буолар. Билигин кыратык бэйэм төрөөбүт улууһум туһунан билиһиннэриэм.
Улууһум төрүттэммит күнүнэн олунньу 10 күнэ буолар. Мэҥэ уонна Илин-Хаҥалас улуустара холбоһоннор, 1930 сыллаахха саҥа «Мэҥэ-Хаҥалас» улууһа үөскээбит. Онон бүгүн улууспут 93 сааһын туолла.
Мэҥэ-Хаҥалас Саха сирин улуустарыттан иэнинэн саамай кыралара буолар, ол гынан баран киһитин ахсаана саамай элбэх. Холобур, 2021 сылга 33298 киһи олорор эбит.
Улууспут 31 нэһилиэктээх. Сахабыт сирин ханнык да улууһа бачча элбэх нэһилиэгэ суох. Бу нэһилиэктэр бэйэлэрэ историялаах, элбэх биллиилээх, улууһу аатырдар дьоннордоохтор.
Улууспут киинэ — Аллараа Бэстээх, баһылыкпыт Тихонов Дмитрий Иванович буолар. Хас биирдии улуус бэйэтэ гимнээх, гэрбтээх уонна былаахтаах. Улууспут гиимнин тылларын быйыл 95 сааһын туолар улууспут биллэр суруйааччыта Иннокентий Михайлович Сосин суруйбута. Онтон гербпытыгар, былаахпытыгар 19-с үйэҕэ олоро сылдьыбыт национальнай геройбут Василий Федоров — Манчаары Баһылай атынан сүүрдэн иһэрэ буолар.
Бу күн сахалартан бастакы академикпыт Владимир Петрович Ларионов 85 сааһын туолла. Кини улууспут төрүттэммит күнүн кытта төрөөбүт күнэ биир күн эбит.
Мин төрөөбүт улууспунан киэн туттабын уонна үүнэ-сайда турарыгар баҕарабын.
Азиза Копырина, 9 кылаас «Проба пера» эдэр корреспондена, Мэҥэ-Хаҥалас Чыамайыкы.