Күндү сахалыы тыыннаах, тапталлаах хаһыаппыт “Кэскил” бары үлэһиттэрин, айар-суруйар эдэр кэрэспэдьиэннэри, салайааччылары, суруналыыстары барыгытын Россия бэчээтин күнүнэн итиитик-истиҥник эҕэрдэлиибит!
Баҕарабыт чэгиэн-чэбдик, доруобай олоҕу. Ил-эйэ эҥэрдэстин. Үлэҕитигэр үрдүк ситиһиилэри, сэргэх сонуннаргыт сойбокко тиийэн, элбэх ааҕааччыны түмэ тартын. Бары бииргэ үлэлээн ааҕыыны көҕүлүөҕүҥ
«Кустук» пресс-киин 2011 сылтан тэриллэн үлэлиибит. Оскуола сонуннарын ыйга иккитэ «КүүКэй school NEWS» хаһыаппытыгар таһаарабыт, хаһыат история кэрэһитэ буолан тиһиллэн иһэр.
“Кустук” пресс-киин, Күүкэй, Сунтаар.