Быйыл алтынньы ыйтан «Арылы» пресс-бөлөх Н.Е.Мординов-Амма Аччыгыйа аатынан «Кэскил» оҕо бэчээтин кыһата тэрийэр медиаоскуолатыгар кыттабыт. Саха сирин историятыгар, географиятыгар сыһыаннаах сюжеттары сахалыы тылынан устан ыытабыт.
Маныаха биһигини ис хоһоонугар педагог-библиотекарь К.Е. Новикова, техническэй өттүгэр учуутал М.В. Софронов салайаллар. Барыта 6 матырыйаалы устан ыыттыбыт. Араас көрдөөх түгэммит наһаа элбэх. Саҥара туран күлүү, ким эрэ мэһэйдиирэ, араас тыас-уус. Уустук да буоллар интэриэһинэй эбит диэн түмүккэ кэллибит.
«Арылы» пресс-бөлөх, Кэбээйи улууһа, Мукучу.