Быйыл биһиги Уус Алдан улууһун Лөгөй орто оскуолатыттан саамай элбэх ситиһиилээх, оскуолабыт аатын элбэхтэ ааттаппыт, көмүскээбит 11 «б» кылааһын үөрэнээччилэрэ Арсен Эверстов уонна Эвелина Олесова Ил Дархан Харыйатыгар барар чиэскэ тигистилэр. Кинилэр туспа дьоҕурдаах, айар талааннаах ураты оҕолор.
Арсен биһиги оскуолабыт спортсмена, араас таһымнаах олимпиада кыттыылааҕа, научнай-практическай кэмпириэнсийэ чинчийээччитэ. Кинини биһиги бырааттарбыт, балтыларбыт холобур оҥосто сөҕө көрөллөр. Ол курдук, Арсен саамай улахан ситиһиилэринэн буолар: Быйылгы Олоҥхо ыһыагар ыытыллыбыт многоборье күрэҕэр иккис миэстэ, Өрөспүүбүлүкэтээҕи «Лөгөй мадьынылара» мас тардыһыыта күрэҕин чөмпүйүөнэ, «Эдэр профессионаллар» World Skills күрэххэ бастакы, иккис миэстэлээҕэ. Ону таһынан научнай-практическай кэмпириэнсийэҕэ лауреат үрдүк аатын ылбыта. Улуустааҕы технология олимпиадатыгар сэттис кылаастан саҕалаан өрүү бастакы, иккис миэстэни ылар, физкультура олимпиадатыгар иккис төгүлүн муҥутуур кыайыылаах буолбута.
Эвелина биһиги оскуолабыт олимпиаднига уонна научнай-практическай кэмпириэнсийэ чинчийээччитэ. Кини омук тылын олимпиадатыгар үһүс төгүлүн муҥутуур кыайыылаах аатын ылбыта, нуучча уонна саха тылын олимпиадаларын призера. «Арктика- территория сотрудничество» диэн Бүтүн Россиятааҕы НПК-ҕа маҥнайгы миэстэни ылары ситиспитэ.
Арсеҥҥа, Эвелинаҕа инникитин үрдүктэн-үрдүк ситиһиилэри, айар, оҥорор дьоҕурдара өссө да сайдарыгар баҕарабыт!
Дарина Петухова
Лөгөй орто оскуолатын 10 кылааһын үөрэнээччитэ