Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар «Оҕо хамсааһынын» төрөөбүт күнүн тэрээһиннээхтик бэлиэтээтибит. «Орто Амма кэскилэ» оҕо тэрилтэтин актыбыыстара араас сонун оонньуулары, күрэхтэри тэрийэн, түмсүүлээх, дьулуурдаах буоларга олук уурдулар.
Маны барытын оҕолор бэйэлэрэ тэрийэн ыыппыттара ордук кэрэхсэбиллээх буолла. Салгыы түмсүү мобилизацияҕа түбэспит дьонноох ыалларга көмө акциятын тэрийиэхтэрэ.
Ону тэҥэ бу күннэргэ үөрэнээччи өй-санаа өттүнэн толкуйун, сатабылын сайыннарар, эт-хаан өттүнэн чэгиэн буолуутун ситиһэргэ көҕүлүүр тэрээһиннэр бииртэн биир солбуһан ыытылла тураллар. Уйулҕа ыйа былааннаахтык баран иһэр.Куораттан, улуустан психологтар кэлэн, оҕолору уонна төрөппүттэри кытта үлэлээтилэр, араас трениннэри тэрийдилэр.
Алтыһыы диэн хайысханан физкултура учууталлара тэрийиилэринэн лиссиэй студеннарын кытта волейболга доҕордуу күрэх буолла.
Төрөппүттэр Соломонова Амгира Даниловна, Уварова Ньургуйаана Алексеевна, Атасыкова Дария Владимировна кэлэн, кылаастарга сатабылы сайыннарар маастар кылаастары ыыттылар.Төрөппүт Дария Владимировна Атасыкова, психолог Василиса Ивановна Дьяконова тэрийиилэринэн, головоломкаларынан турнир олус сэргэхтик ааста. Үөрэнээччилэр олус сэргээтилэр. Историк Амгира Даниловна Соломонова Улуу Кыайыы историятыгар аналлаах биктэриинэни лиссиэй устудьуоннарыгар уонна үөрэнээччилэргэ ыытта.
Бу үлэни барытын иитэр үлэни сүрүннээччи Варианна Васильевна Макарова уонна оскуола психолога Василиса Ивановна Дьяконованы кытта сүбэнэн ылсан, былааннаахтык саҕалаатылар. Этэргэ дылы оскуола иһэ хойукка диэри тигинээн олордо.
Наташа Никифорова,
XI кылаас,
Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһуга,
Таатта.