Алтынньы ый 22-23 күннэригэр Дьокуускай куоракка «Дохсун» спорт дьиэтигэр остуол тенниһигэр «Дохсун Кубога» өрөспүүбүлүкэтээҕи турнир буолан ааста. Бу күрэхтэһиигэ биһиги оскуолаттан 8 үөрэнээччи кытынна уонна кэккэ ситиһиилэнэн үчүгэй түмүгү көрдөрдүлэр.
Ол курдук, 2010-2008 сыл төрүөх оҕолорго: Настя Борисова, «в» кылаас үөрэнээччитэ, 12 оҕоттон бастакы миэстэни уонна Яна Никитина, 7 «в» кылаас үөрэнээччитэ, 3 миэстэ буолары ситистилэр, уолаттарга Антон Нестеров, 8 «г» кылаас үөрэнээччитэ, 3 миэстэ буолла. Маны кытары 2011 сыл төрүөх уонна онтон кыра саастаахтарга биһигиттэн 5 уол кыттыбытыттан, ордук үчүгэй түмүгү Павлик Билюкин, 5 «а» кылаас үөрэнээччитэ, ситистэ, кини 36 оҕоттон 2 миэстэ буолла.
Актыыбынайдык кыттыыны ыллылар: Андрей Харитонов, 5 «а» кылаас үөрэнээччитэ, бэрт кыранан 4 миэстэ буолла, Ярослав Егоров, 4 «в» кылаас үөрэнээччитэ, 8 миэстэ, Рома Илларионов, 3 «а» кылаас үөрэнээччитэ, — 9 миэстэ, Арман Илиан, 3 «г» кылаас үөрэнээччитэ, — 15 миэстэ.
Сэтинньи ый 3-7 күннэригэр Нерюнгри куоракка «Нерюнгри Кубога» кытта бараары 10 оҕо бэлэмнэнэ сылдьар.
Еремей Михайловиһы уонна спортсменнары итиитик-истиҥник эҕэрдэлиибит! Баҕарабыт өссө да кыайыылар кэлэ турдуннар, санаабыккыт сатанан, толкуйдаабыккыт туолан, инникигит диэки бара туруҥ!
«Мэҥэбил» пресс-киин.