Биһиги Горнай улууһун Маҥаны орто оскуолатын V кылааһын үөрэнээччилэрэ олус интэриэһинэй бырайыактаах саҥа үөрэх дьылын саҕалаатыбыт. «Волонтеры культуры» диэн бырайыакпытын кылааспыт салайааччыта Анастасия Васильевна Николаева салайан үлэлэтэр. Кылааспытыгар уопсайа 10 оҕо үөрэнэр. 2022 сыл ааҕыы сылынан биллэриллэн, биир улахан сорукпутунан бары 100% хаһыакка уонна сурунаалга сурутуу. Ол курдук, «Чуораанчык», «Кэскил» уонна Россия киин куораттарыгар тахсар оҕо сурунаалларыгар, хаһыаттарыгар суруттубут. Биһиги үтүө аахсыйабытын атын оскуола оҕолоро эмиэ өйүөхтэрэ дии саныыбыт. Кэскиллээх олоххо бэлэм буолуҥ!
Алияна Николаева, Арианна Алексеева,
Маҥаны орто оскуолатын V кылааһын үөрэнээччилэрэ, Горнай.