Уус Алдан улууһун киинигэр, Бороҕоҥҥо, бүгүн Саха сирин норуоттарын VIII спортивнай оонньууларын маҥнайгы күнэ.
Биһиги ол үтүө күн чэрчитинэн, саха биллиилээх бөдөҥ диэйэтэлэ, салайааччыта, норуот ытыктыыр, убаастыыр киһитэ, бэйэтин кэмигэр саханы сайдыы суолугар сирдээбит общественнай-политическай диэйэтэл, суруйааччы Василий Андреевич Протодьяконов-Кулантай төрүттээбит мусуойун тэлгэһэтигэр киирэбит.
Быйыл Василий Андреевич Протодьяков үбүлүөйдээх сыла. Дьиэ-уот тупсарыллан, сөргүтүллэн, мааны сынньанар беседка кытта баар буолбут, маҥан түүл сабыылаах, мусуой дьиэлэрэ кырааскаланан, истиин-тастыын олохтоохтук ремонт барбыта көрөргө астыгын!
Василий Андреевич, 1944 с. ССРС суруйааччыларын сойууһун чилиэнэ, «Ленин», «Үлэ Кыһыл Знамята», «Бочуот знага» орденнар кавалердара, П. А. Ойуунускай аатынан Государственнай бириэмийэ лауреата, Эрилик Эристиин аатынан бириэмийэ лауреата, РСФСР, САССР культуратын үтүөлээх үлэһитэ, Уус Алдан уонна Дьокуускай куорат Бочуоттаах олохтооҕо.
Кини аатын үйэтитиигэ биһиги, «Кэскил» оҕо бэчээтин кыһата, эмиэ дьоҕус үлэни ыытабыт. Быйыл «Төрөөбүт алааһым-2» диэн анал таһаарыыбытыгар кини аатын сүгэр оскуола биир бастыҥ, айар, суруйар дьоҕурдаах үөрэнээччитин айымньытын бэчээттээбиппит.
Сөргүтүү үлэтигэр уонна бу оонньуулар культурнай тэрээһиннэригэр биир саамай сүүрэр-көтөр, кэпсиир-көрдөрөр киининэн Уус Алдан улууһун Сэһэн Ардьакыап аатынан историяны уонна кыраайы үөрэтэр мусуой үлэһиттэрэ буолаллар. Дириэктэр – Дьулустан Михайлович Заболоцкай.
Суруналыыс. Уус Алдан улууһа
Бороҕон, 2022 сыл