А.Е.Кулаковскай аатынан Норуоттар доҕордоһууларын дьиэтигэр быйылгы норуоттар икки ардыларынааҕы научнай оонньуулар өрөгөйдөөх аһыллыытын тэрээһинэ буолан ааста!
СӨ Ил Дархана Айсен Николаеы тэрээһин кыттыылаахтарын эҕэрдэлээтэ, бэйэтэ бастакы үөрэҕэ физик буоларын эппитэ оҕолор интэриэстэрин тарта, наука олох араас эйгэлэригэр туһалыырын, хас биирдиилэригэр сыһыаннааҕын даҕатан эттэ.
Үөрэнээччилэр норуоттар икки ардыларынааҕы «Туймаада» олимпиадаҕа Саха АССР норуодунай учуутала Михаил Андреевич Алексеев аата иҥэриллибитин туһунан үөрүүлээх сонун иһитиннэрдэ. Бу уураах үөрэх уонна наука миниистиригэр Ирина Павловна Любимоваҕа туттарылынна.
СӨ бастакы президенэ Михаил Ефимович Николаев эҕэрдэтин ааҕан иһитиннэрдилэр.
Москваттан, Турцияттан, Татарстантан, Московскай уобаластан, Бурятияттан, Уральскай уокуруктан кэлбит оҕолор ытыс тыаһынан бэйэлэрин туран көрдөрдүлэр. Ону таһынан, видео нөҥүө Аан дойду араас муннуктарыттан кыттыыны ылар ыччат эҕэрдэтин тиэртэ.
Норуоттар икки ардыларынааҕы научнай оонньуулар аһыллыбыттарын туоһулуур былаах өрө көтөҕүлүннэ!
Эльдар Садовников