Биһиэхэ ыам ыйын 1 күнүгэр үлэ, эйэ бырааһынньыгын кытта сэргэ Дүпсүммүт нэһилиэгэр Дүөндү сынньалаҥ киинигэр оскуолабыт 160 сааһыгар аналлаах акция концерт буолан ааста. Оскуоланан бары оҕолор, учууталлар уонна үлэһиттэр буолан бу кэнсиэргэ хас да күн күүстээхтик бэлэмнэнэн үчүгэй баҕайы 19 нүөмэртэн турар кэнсиэр оҥордубут.
Кэнсиэр оскуолабыт директора Андрей Дмитриевич Сыроватскай, үөрэх чааһыгар солбуйааччы Ньургуйаана Алексеевна Сивцева уонна 10 кылаас үөрэнээччитэ Джесика Алексеева иилээн-саҕалаан ыыттылар. Дүпсүн орто оскуолатын үөрэнээччилэрэ,учууталлар уонна оскуола үлэһиттэрэ хоорунан ыллаан концерты арыйдыбыт.
Биир дойдулаахпыт, педагогическай наука доктора, поэт Виктор Федорович Афанасьев – Алданскай тылларыгар, Грант Григорян музыкатыгар «Дьэ, кытаатыҥ» диэн ырыаны уонна педагогическай үлэ ветерана Марфа Ивановна Ховрова тылларыгар, Наталья Бочкарева мелодиятыгар «Дупсун сирэ» диэн ырыалары ыллаан ньиргиттибит.
Ол кэннэ учууталлар, үлэһиттэр үҥкүүлээтилэр уонна ыллаатылар. Оҕолор чабырҕахтаан, хомустаан, олоҥхолоон, үнкүүлээн, туойан уонна ыллаан концерпыт номердара биир күдьүс түмүктэннилэр. Онтон бутэьигэр сыанаҕа тахсан акцияҕа кыттыспыт дьоннор тыл эттилэр.
Прибылых Гаврил Иванович аймахтара, урбаанньыттар Новгородов П.Н., Сивцева В.И., тэрилтэлэр балыыһа коллектива Алексеева П.Н., Сардаҥа, Кэскил детсад коллективтара салайааччылар Молокотина А.В., Бочкарева Г.А. – 1978, 1981, 1997, 2001 сыллааҕы выпускниктэр уонна ветеран үлэһиттэрбит Светлана Иннокентьевна уонна Семен Николаевич Алексеевтар акцияҕа кыттыстылар.
Ити кудрук, үрдүк таһымнаах бэртээхэй тэрээһин буолан ааста. Дүпсүммүт олохтоохторугар кэлэн бу тэрээһиммитигэр кыттыспыттарыгар улахан махталбытын тиэрдэбит. Оскуолабыт барахсан,үүнэ- сайда, киэркэйэ тур!
Алена Дорофеева, И. Н. Жирков аатынан Дүпсүн орто оскуолатын 9 кылаас үөрэнээччитэ