Үһүс чиэппэр үөрэх түмүгүн оҕолор истэн, сааскы каникул саҕаланан, оскуолабытыгар «Тэбэнэт-шоу» кыһыны атаарыы бырааһынньыга бэрт сэргэхтик ааста.
5-11 кылаас үөрэнээччилэрэ көрдөөх стартка күрэхтэстилэр: моһоллоох балыктааһыннаах, сыал ытыылаах эстафета, хаары чөмөхтөөн хаар киһи оҥоруута, мас хайытан саһаан туруоруу, канат тардыһыыта, хомуур хапсаҕай.
Кырачааннар улахан кылаас уолаттара оҥорбут сыырдарыттан сырылаан астыннылар.
Күрэх түмүгүнэн Аммос Слепцов капитаннаах «Дохсун» хамаанда «Мохсоҕоллору» куоһаран кыайыылааҕынан ааттанна.
Ити курдук бэһиэлэйдик сааспытын көрүстүбүт, оҕолор каникуллара саҕаланна.
Розалия СЛЕПЦОВА, Дьааҥы, Арыылаах.