Россия бэрэсидьиэнэ Владимир Путин VII-с норуоттар икки ардыларынааҕы «Азия оҕолоро» оонньуулары 2022 сылга Владивосток куоракка ыытары соруйда. Бу туһунан ТАСС иһитиннэрэр.
«Россия бырабыыталыстыбата Приморскай кыраайы кытта, 2022 сылга Владивосток куоракка VII-с норуоттар икки ардыларынааҕы «Азия оҕолоро» оонньуулары ыытыыга бэлэми хааччыйарыгар», — диэн физическэй култуура уонна спорт сайдыытын мунньаҕын түмүгүнэн сорудахха этиллэр.
«Азия оҕолоро» норуоттар икки ардыларынааҕы спортивнай оонньуулар аныгы олимпийскай хамсааһын сүүс сылын көрсө, Саха сиригэр 1996 сыллаахха тэриллибитэ уонна ыытыллыбыта. Күрэхтэһии хас түөрт сыл аайы сайын ыытыллар уонна 20 спорт көрүҥүн хабар.
Бу Норуоттар икки ардыларынааҕы олимпийскай кэмитиэт уонна ЮНЕСКО көрүүтүгэр баар Россияҕа соҕотох бырайыак буолар. 2016 сыллаахха өрөспүүбүлүкэ бырабыыталыстыбата аан бастаан бу күрэхтэһиилэри тэрийиигэ боломуочуйалары атын куораттарга уонна дойдуларга биэрэргэ быһаарыы ылбыта.