Бу хаартыскаҕа көрөр уолаттаргыт Дьокуускай куорат ТЭЦ күөлүн уутугар тимирэ сыспыт икки оҕону быыһаатылар. Владимир Диодоров -Чурапчыттан төрүттээх Дьокуускайдааҕы медкэллиэс устудьуона, Владимир Ершов — куорат олохтооҕо. 
Бу оҕолор күөл мууһугар ооннньуу сылдьан,эмискэ муустара хайдан, ууга түспүттэр. Төһө да бу дьулаан түбэлтэ хас да киһи хараҕын далын ортотугар буоллар, үгүстэр миэстэлэриттэн харыс да хамсаабатахтар. Арай бу икки амарах санаалаах уолаттар оҕолору быыһыы сүүрбүттэр.
Бастакынан Диодоров сүүрэн тиийэн, кыыһы быыһаабыт, онтон уолу таһааран иһэн, бэйэтэ ууга биирдэ баар буола түспүт. Онуоха Ершов талах мас быраҕан биэрэн, иккиэннэрин ороон таһаарбыт. 
Уолга бэйэлэрин тас таҥастарын биэрэн, массыыналарыгар олордон, дьиэтигэр илдьэн биэрбиттэр. Кыыһы дьоно кэлэн ылбыттар.
Бу түбэлтэ күнүс, быһа холоон, 16.30 ч.буолбут. Оҕолоор, билигин күөлгэ, өрүскэ муус ууллар кэмигэр мууска оонньуур булгуччу бобуллар! Мууска сэрэхтээх буолуҥ!
Интернет ситимиттэн.