Бүлүү улууhун М.А.Алексеев аатынан Баппаҕаайы оскуолатыгар Саҥа дьылга бэлэмнэнии күөстүү оргуйар. 4 кылаас үөрэнээччитэ, «Көмүс бөрүө» пост чилиэнэ Сандаара Борисова суруйар.
Биhиги кылааhынан Саҥа дьылы көрсөргө бэлэммит, үөрэхпитин үчүгэйдик түмүктээтибит.
2021 сыл илиҥҥи халандаарынан Оҕус сыла буолара биллэр. Оскуолабытыгар Саҥа дьылынан араас куонкурустар буолаллар. Кылаастарынан «Түннүкпүтүгэр — остуоруйа», «Сыл хаhаайына – оҕус» тиэмэлэргэ түннүктэрбитин киэргэттибит. Маны таһынан, Саҥа дьыл тиэмэтигэр аналлаах уруhуй, оноhук онорбуппут, музыкальнай эҕэрдэбитин видеонан уhулбуппут.
Саҥа сыл хаhаайынын оҥоруу куонкуруһугар алын кылаас оҕолоро кытталлар. Оҕолор тѳрѳппүттэрин кытта оҕус оҥоһугу араас матырыйаалы туhанан оҥорбуттар: поролон, мас, баайыы сап, быа, туой, фанера, кумааҕы, фетр. Араас ньыманы — папье-маше, ѳрүү, тигии, туhаммыттар. Мин ийэбиниин фетр матырыйаалы, баайыы сабын туhанан онордубут. Саҥа кэлэр сыл үчүгэйи эрэ аҕаллын!
