Ангелина ДЕДЮКИНА — алын кылаастан туйгуннук үөрэнэр Г.И. Чиряев аатынан 1 № дээх оскуолатын биир бастыҥ үөрэнээччитэ. Ангелина улууска ыытыллар нуучча тылын, литературатын, биология, ангылычаан тылын, саха литературатын, психология бэридимиэттэрин олимпиадаларыгар сыл аайы кыттар, куруутун миэстэлэһэр. Оскуола иһинэн үлэлиир куруһуоктарга дьарыктанар. 8-с кылаастан “Ориентир” пресс – киин (сал. Ионова М.К.) эдэр кэрэспэдьиэнэ.
“Кэскил” оҕо хаһыата тэрийэн ыытар күрэхтэригэр, «Мой кумир в журналистике», “Аалай хаалтыстаах суолдьут сулус” ыстатыйалара бириистээх миэстэлэргэ тиксибитэ. “Тэтим” үҥкүү ансаамбылын (сал. Яковлева А.В.) бастыҥ үҥкүүһүтэ.
Ангелина, төһө кыалларынан, элбэх бириэмэтин үөрэҕэр аныыр. Элбэх кинигэни ааҕар буолан, толкуйдуур айар иэйиитэ уһуктар, сайдар:
— Ордук сөбүлүүр предметтэрим ангылычаан тыла уонна нуучча литературата буолаллар. Саамай улахан баҕа санаам үчүгэйдик бэлэмнэнэн, БКЭ ни үрдүк баалга туттаран, тылбаасчыт уонна тыл үөрэхтээҕин идэтигэр үөрэххэ киириэхпин баҕарабын. Мин кыра эрдэхпиттэн Ил Дархан харыйатыгар сылдьыахпын баҕарар этим. Миигин талбыттара соһуччу үөрүүлээх буолбута. Баҕа санаам туоларын туһугар үөрэхпэр кыһаллан үөрэммитим. Иллэҥ кэммэр уруһуйдуурбун, ас астыырбын уонна кинигэ ааҕарбын олус сөбүлүүбүн.
Оҕолорго үүнэр сылга элбэх ситиһиилэри, эксээмэннэрин үрдүк баалга туттаран баҕарар үөрэхтэригэр киирэллэригэр баҕарабыт.
Ааптардар: Павлина Попова, Гералина Васильева, 8 кылаас үөрэнээччилэрэ, «Ориентир» пресс- киин эдэр кэрэспэдьиэннэрэ