Бүгүн оскуола бибилэтиэкэлэрин аан дойдутааҕы күнэ бэлиэтэнэр.
Бу бэлиэ күҥҥэ аналлаах «Саха» НКИХ тэлэбиисэринэн биэриитигэр Г.И. Чиряев аатынан Бүлүү 1 №-дээх оскуолатын бибилэтиэкэтин иһинэн үлэлиир «Ориентир» пресс-киин үлэтин туһунан сырдаттылар.
Биэриигэ эдэр кэрэспэдьиэн Аркадий Арбыкин «Кэскил» оҕо бэчээтин кыһатын мэктиэтинэн Россиятааҕы «Зима начинается с Якутии» диэн бэстибээлгэ, Сахалиҥҥа ыытыллыбыт кыһыҥҥы «Азия оҕолоро» спортивнай оонньууларга өрөспүүбүлүкэттэн талыллыбыт эдэр кэрэспэдьиэннэр састааптарыгар киирэн үлэлээбитин туһунан кэпсээтэ. Бу үрдүк таһымнаах тэрээһиннэргэ биһиги эдкордарбытыттан өссө Коля Федоров сылдьар чиэскэ тиксибитэ.
Настя Никифорова Азиатскай-Тихоокеанскай кэмпириэнсийэҕэ эмиэ эдкор быһыытынан үлэлээн, омук оҕолорун кытта алтыспытыттан элбэххэ үөрэммитин, өрөспүүбүлүкэтээҕи «Юность Севера», улуустааҕы хаһыаттарга, Инстаграмҥа, сайтка суруйбутун туһунан кэпсээтэ.
Ааптар: Марианна Ионова, бибилэтиэкэр, «Ориентир» пресс-киинин салайааччыта.