Сэтинньи 5 күнүгэр биһиги оскуолабытыгар алын кылаас үөрэнээччилэригэр анаан Норуоттар сомоҕолоһууларын күнүгэр анаммыт «Арассыыйа норуоттарын оонньуулара» диэн өрөгөйдөөх уонна көхтөөх күрэх-тэрээһин буолан ааста.
Бу күн оскуолабыт иһэ оҕо чуораанныы күлүүтүнэн, эриэккэс ырыанан-тойугунан уонна ытыс дохсун тыаһынан туолла.
Тэрээһин сүрүн сыала – оҕолорго дойдубут араас элбэх норуоттарын култууратын, үгэстэрин билиһиннэрии уонна доҕордуу сыһыаны, сомоҕолоһууну уһуйуу буолла.
Кырачаан үөрэнээччилэрбит Арассыыйа киэҥ-куоҥ сирдэринэн уонна араас омуктарын былыргыттан кэлбит оонньууларынан күүстэрин, кыахтарын, сымсаларын уонна өйдөрүн боруобаластылар. Оонньуу хас биирдии түһүмэҕэ оҕолорго саҥа арыллыылары, умнуллубат сырдык өйдөбүллэри уонна уоттаах бэһиэлэй түгэннэри бэлэхтээтэ.
Бу тэрээһин алын кылаас оҕолоругар доҕордоһуу күүһүн, сомоҕолоһуу суолтатын өссө төгүл өйдөттө. Оҕолорбут сүүрэн-көтөн, оонньоон эрэ хаалбакка, бэйэ-бэйэлэригэр өссө чугаһастылар, доҕордуу ситимнэрин бигэргэттилэр.
Тэрээһини тэрийбит уонна көхтөөхтүк кыттыбыт хас биирдии учууталга, үөрэнээччигэ дириҥ махталы биллэрэбит.
Норуоттар доҕордоһуулара уонна сомоҕолоһуулара өрүү күүстээх буоллун!
Кэскил14.ру
Н.И. Прокопьев аатынан Хатыы орто оскуолата