Бүгүн, алтынньы 19 күнүгэр, биһиги Санкт-Петербург куоракка сылдьабыт. Олус да үчүгэй! Олус да кэрэ!
Сарсыарда 8 чааска гостиницабытыгар аһаатыбыт. 10 чааска улахан музейга бардыбыт. Аата — Русский музей искусства. Араас элбэх аатырбыт уруһуйдары көрдүбүт. Олус кэрэлэр! Дириҥ историялаахтар!
13:00 чааска гостиницабытыгар эбиэттээтибит.
Күнүс 15:00 чаастан «Петровская Акватория» диэн Санкт-Петербург куорат улахан макетын көрдүбүт. Онно кып-кыра дьиэлэр уонна уу баар. Олус интэриэһинэй! Мин илиибэр ууран көрдүм. Барыта кыра, ол эрээри ураты үчүгэй! Араас нуучча остуоруйаларын персонажтара макет быыһыгар саһан сылдьалларын көрдөөбүппүт. Ханнык остуоруйа геройа буоларын таайбыппыт.
Киэһэ 18:00 чааска аһаатыбыт.
Уонна айаммыт саамай долгутуулаах тэрээһинэ үүммүтэ. Түүн 12 чаастан Нева өрүс муосталара арахсалларын теплоходунан көрө барбыппыт. Таһырдьа хараҥа этэ, ол гынан баран муосталар олус сырдыктык умайаллар. Ууга күлүктэрэ түһэрэ көрүөхтэн кэрэ!
Гостиницабытыгар кэлэн хонон баран, дойдубутугар уһун айаҥҥа туруннубут.
Үчүгэй да күннэр аастылар, ол эрээри дьиэбэр бүгүн барарбыттан ордук үөрэбин!
Арслан Филиппов. 7 кылаас, В.Д.Лонгинов аатынан Атамай орто оскуолата, Горнай улууһа