Оскуолабытыгар оҕо уйулҕатын туругун чэбдигирдиигэ, аан дойдуну кытта ситимин күүһүрдүүгэ анаан ыытыллар Уйулҕа ыйын (месячник психологического здоровья) чэрчитинэн, үөрэнээччилэргэ анаммыт ураты «Наука күнэ» буолан ааста.
Бу күн оҕолорбут эрдээх санааны, айар дьоҕуру уонна билиигэ-көрүүгэ дьулуһууну айхаллаатылар. Наука — бу бэйэтэ улахан арыйыы, оттон уйулҕа үөрэҕэ — киһи ис туругун, өйүн-санаатын уонна кыаҕын арыйар аптаах күлүүс буолар. Маны ситимнээн, оҕолорбут бэйэлэрин санааларын сааһылыырга, уопсастыбаҕа сөптөөх суолу булунарга көрөргө үөрэннилэр.
Күн устата араас интэриэһинэй өй-санаа оонньуулара, научнай эксперименнэр, практическай дьарыктар ыытылыннылар. Оҕолор бөлөхтөргө хайдыһан, бэйэ-бэйэлэригэр көмөлөсүһэн, хамаанданан үлэлиир ураты дьоҕурдарын көрдөрдүлэр.
Бу тэрээһин хас биирдии үөрэнээччигэ саҥа билиини эрэ биэрбэккэ, ис санаатын уоскутта, бэйэтигэр эрэлин күүһүртэ уонна наука киэҥ аартыгар интэриэһин күөртээтэ.
Тэрээһини тэрийбит уонна көхтөөхтүк кыттыбыт бары учууталларбытыгар уонна күндү оҕолорбутугар ис сүрэхтэн махталбытын биллэрэбит.
Саҥа арыйыылар, сырдык санаалар уонна үрдүк ситиһиилэр арыаллаатыннар!
Кэскил14.ру
Н.И. Прокопьев аатынан Хатыы орто оскуолата