Лөгөй лиссиэй-интэринээтин дириэктэрэ Максим Семенович Пахомов бу үөрэх сылыгар оскуола бэлэмин, төһө үөрэнээччи баарын, былаан хайдаҕын, туох уларыйыылар баалларын туһунан «SiTiM» LegMedia киин эдкордарын кытта сэһэргэстэ.
- Максим Семенович, үтүө күнүнэн! Оскуола бу саҥа үөрэх сылын хайдах бэлэмнээх көрүстэй?
Үтүө күнүнэн! Биһиги лицейбыт быйылгы үөрэх сылыгар толору бэлэмнээх, педкадрынан толору хааччыллыылаах саҕалаатыбыт. Интернатпытыгар кыра ремонт ыыттыбыт, сайыҥҥы оҕо сынньалаҥар 2 лааҕыр үлэлээтэ: «Цифра +» алын сүһүөх кылаастарыгар аналлаах сайыҥҥы лааҕыр, «Каникулярная школа» оҕону биир кэлим экзаменнарыгар бэлэмниир, үөрэх өттүнэн көмө буолар эбии дьарык – лааҕыр үлэлээбитэ.
- Быйыл хас оҕо 1 кылааска үөрэнэ киирдэй?
Быйыл биһиги лицейбытыгар 9 оҕо оскуола боруогун атыыллаата. Кинилэр кылаастарын салайааччыта Нафанаилова Валентина Гаврильевна.
- Биһиги оскуолабыт учууталларын халыҥ хамаандата хайдах үлэлэрин көрүстүлэрий?
44 педагог улэлиир, онтон 30 учуутал. Кинилэр истэригэр бааллар: 8 – “Россия үөрэҕэриитин бочуоттаах үлэһиттэрэ”, 20 — “Саха Өрөспүүбүлүкэтин үөрэҕэриитин туйгуна”, 2- Россия, 2 — Саха Сирин президенын гранын лауреаттара, 4 — “Учууталлар учууталлара” бэлиэ туһааннаахтара, 4- “Саха Сирин инники эрэлэ” бэлиэ хаһаайыннара. Быйыл үөрэх сылыгар саҥа коллегалардаахпыт. Ол курдук, СВФУ информатика уонна математика институтун бутэрбит, бэйэбит оскуолабыт 2021 сыллаах выпускницата Валентина Вячеславовна Алексеева информатика учууталынан уонна 5 кылаас каллективын салайааччытынан ананан учуутал идэтинэн улэтин саҕалаата. Амелия Ньургуновна Сивцева быйыл биһиэхэ психолог быҺыытынан үлэтин саҕалаата.
- Саҥа сылы туох ситиһиилээх көрүстүбүтүй?
Россиятааҕы төрүт тыл уонна литератуура учууталларын күрэҕэр Тищенко Валентина Иннокентьевна Симон Соловейчик аатынан “Норуоттары сомоҕолуур сайаҕас тыл” – диэн анал аат ылан кэллэ. Россиятааҕы чөлүгэр туһэрии (реставрация) күрэҕэр төрдүс төгүлүн технология учуутала, Данилов Иннокентий Семенович, оскуолабыт выпускниктарын, СВФУ студеннарын Максим Кычкины уонна Василий Прибылыҕы кытыннаран иккис бочуоттаах миэстэни ыллылар.
- Быйылгы выпускниктар үөрэх ханнык хайысхаларга киирдилэрий?
Биһиги лицейбытын быйыл 29 оҕо бутэрдэ, онтон 16 оҕо үрдүк үөрэххэ киирдэ. Араас хайысханан киирдилэр, техническэй хайысха сыыйа элбээн иһэрэ үөрдэр.
- Бу сылга туох саҥа баарый?
Саҥа хайысханы сайыннаран 7 кылаастартан саҕалаан техническэй уонна гуманитарнай хайысхалаах кылаастарга араардыбыт. Оҕону сайыннарарга талааннаах оҕолорго уруок кэнниттэн эбии үөрэхтээһин куруһуоктара эбиллиннилэр. Ол курдук, “Оҥоһуу өй”, “Психология” онтон спорт өттүгэр “Саха төрүт остуол оонньуулара” хабылык уонна хаамыска дьарыктара үлэлэрин саҕалаатылар. Оҕолор, учууталлар саҥа инновационнай проектар хайысхаларын булан, олоххо киллэрэн эрэллэр.
- Оскуолабытыгар оҕо салайыы хайысхата төһө таһаарыылаахтык үлэлиирий?
Биһиги оскуолабытыгар 2024-2026 үөрэх сылларыгар оскуола лидерынан Алексей Бурнашев үрдүк таһаарыылаахтык үлэлээн, оҕону кытта биир тыл булан оскуолабыт сайдарын туһугар бэйэтин хамаандатын кытта көрүүтүн олоххо киллэрдэ. Оттон быйыл 2026-2027 үөрэх сылыгар оскуола лидерынан 10 Б кылаас үөрэнээччитэ Альберт Кривошапкин талылынна. Киниэхэ биһиги үрдүк таһаарыылаах үлэни баҕарабыт! Быйылгы үөрэх сылыгар үрдүктэн үрдүк ситиһиилэри, туруоруммут сыалгытын ситиһэргитигэр баҕарабын. Бары биир сомоҕо буоламмыт үрдүктэн үрдүк чыпчааллары дабайыахха, лицей аатын ааттатыахха!»
Максим Семенович мин ыйытыыларбар хоруйдаабыккытыгар барҕа махтал! Сыралаах үлэҕит үтүө түмүктээх буоларыгар баҕарабын!
Павел ГЕРАСИМОВ, Лөгөй лиссиэй-интэринээт,
«SiTiM LegMedia» киин юнкора, Кэптэни, Уус Алдан