Алтынньы 22-23 күннэригэр Г. И. Чиряев аатынан Бүлүү 1-кы №-дээх орто оскуолатыгар дуобат курэҕэ буолла. Күрэҕи иилээн-саҕалаан, тэрийэн ыытта- I разрядтаах дуобатчыт Николаева Евдокия Афанасьева.
Бастакы күҥҥэ V-VIII кылаастар күрэхтэстилэр, хамаандага икки кыыс уонна икки уол буолан оонньоотулар. Сүрүн быраабылалар хас да чааска арахсаллар: хас биирдии оҕо 10-нуу мүнүүтэ оонньуур; өйдөспөт түгэҥҥэ жюрилары ыҥыраллар; оонньооччу укпутун булгуччу сиэхтээххин. Сытыы оонньууну Владислав Макаров (VI «А» кылаас), Альберт Анисимов (V «А» кылаас) көрдөрдүлэр. V «Б» уонна VI «А» кылаас хамаандалара тэҥ очукуолаах буолан, иккистээн кииристилэр. Чаҕылхай оонньооччунан билиннилэр: Костя Гоголев (V «Б» кылаас), Владик Махаров (VI «А» кылаас), Василий Ефремов (V «Б» кылаас), Альберт Анисимов (V «А» кылаас), Анастасия Ботуева (VIII «Б» кылаас), Майа Сыромятникова (VIII «А» кылаас), Айрина Айсина (V «А» кылаас), Дарина Николаева, Анджелла Григорьева (VI «А» кылаас), Дамир Томский (VIII «Б» кылаас).
Иккис күн IX-XI кылаас үөрэнээччилэрэ 4 хамаанда (IX «Б», X «A», X «Б», XI «A») буолан кытыннылар. Сарыал Васильев (X «Б» кылаас), Тимофей Федоров (XI «A» кылаас), Дарина Ксенофонтова (XI «A» кылаас), Настя Бачарова (IX «Б» кылаас) интэриэһинэй оонньууну көрдөрдүлэр.
Икки күннээх тыҥааһыннаах күрэх түмүгүнэн маннык миэстэлэр таҕыстылар.
1 миэстэ— V «Б», 2 миэстэ-VI «А», 3 миэстэ-VI «А»;
1 миэстэ-VIII «Б», 2 миэстэ-VIII «А», 3 миэстэ-VII «Б»;
1 миэстэ-X «Б», 2 миэстэ-XI «A», 3 миэстэ-X «A»,
Евдокия Афанасьевна, саҥа оонньуур оҕолор разрядтаах оҕолору кытта тэҥҥэ күрэхтэстилэр уонна сүрдээх үчүгэй комбинацияны көрдөрдүлэр диэн астынан кэпсээтэ. Уонна инникитин маннык тэрээһиннэр элбэхтэ кытталларыгар баҕа санаатын эттэ.
Настя Ботуева, Василина Кононова,
хаартыскаҕа түһэрдэ Айсена Конова
«Ориентир» медиакиин эдэр кэрэспэдьиэннэрэ
Г .И. Чиряев аатынан Бүлүү 1-к №-дээх оскуолата