Бүгүн, балаҕан ыйын 23 күнүгэр, биһиги лиссиэйбитигэр ыраахтан ыалдьыттар кэллилэр. Бу А. П. Решетникова аатынан музыка уонна фольклор музейа Саха сирин оҕолоругар анаммыт «Кочующий музей — детям Якутии» бырайыагын олус сөбүлээтим. Саха норуотун култууратын, үгэстэрин туһунан элбэҕи билэргэ интэриэһинэй, туһалаах тэрээһин эбит.
Музыкальнай инструменнар интерактивнай быыстапкаларын ордук сөхтүм, тоҕо диэтэххэ, кинилэри көрөн эрэ буолбакка, тыыннаах муусуканы истиэххэ сөп. Ону тэҥэ тайах муоһуттан харысхал оҥоруутун маастар-кылааһын оҕолор олус сөбүлээтилэр.
Викторина билиини-көрүүнү бигэргэтэргэ уонна саҥаны билэргэ көмөлөстө. Маннык тэрээһиннэр омук үгэһин үөрэтиини дьикти уонна умнуллубат гына оҥороллор эбит. Бырайыак оҕолорго олус туһалаах дии саныыбын, тоҕо диэтэххэ өбүгэлэрбит нэһилиэстибэлэрин ордук билэргэ, харыстыырга көмөлөһөр диэн өйдөөтүм. Көһө сылдьар музейдарга кэлэн ыалдьыттаабыттарыгар улахан махталбытын тириэрдэбит!
Алина ИВАНОВА,
«Объектив» медиакиин эдкора, Ньурбатаҕы техническэй лиссиэй
Кэскил14.ру