Балаҕан ыйын 17 күнүгэр В.П. Ларионов аатынан Майа орто оскуолатыгар «КүһүҥҥүVIBE» дьаарбаҥка буолан ааста.
Быйылгы дьаарбаҥка Арассыыйаҕа норуоттар сомоҕоһууларын, Мэҥэ Хаҥаласка бэйэ оҥорон таһаарыы сылларыгар ананна. Манан сибээстээн хас биирдии кылаас Арассыыйа араас норуоттарынан остуолларын минньитэн, киэргэтэн билиһиннэрдилэр, атыы-эргиэн туттулар. Хас биирдии кылаас маны таһынан бастыҥ бэлэххэ туттуллар араас көрүҥнээх продукцияны бэлэмнээн остуолларын байыттылар, оскуолаларыгар бэлэх ууннулар.
Биһиги оскуолабыт дьаарбаҥкатын сүрүн уратытынан үгэскэ киирбит бары кэтэһэр аукцион буолар. Быйылгы аукциоҥҥа хортуоска, отон, кус-хаас, барыанньа, эт-балык, торт, оҕуруот аһын арааһа оонньонно.
Атыы-тутуу кэнниттэн «КүһүҥҥүVIBE» дьаарбаҥка чэрчитинэн 7-8, 9-10 кылаастар икки ардыларыгар Арассыыйаҕа норуоттар сомоҕолоһууларын сылынан дойдубут араас норуоттарын бүлүүдэлэрин астаан көрдөрөр «МастерШЕФ» күрэх ньиргийэн ааста. Бу күрэххэ норуот биир бүлүүдэтин кылаастан биир повар-оҕо уонна көмөлөһөөччү-оҕо 40 мүнүүтэ иһигэр астаан, остуолларын бэлэмнээн уонна 5 мүнүүтэ иһигэр дьүүллүүр сүбэҕэ көмүскээтилэр, амсаттылар.
Дьүүллүүр сүбэҕэ оскуолабыт «СҮБЭ» төрөппүт түмсэр киинэ үлэлээтэ, ол курдук:
— Сотникова Александра Дмитриевна;
— Саввина Мария Семеновна;
— Павлова Диана Дмитриевна.
Төрөппүттэрбит сөбүлүү көрбүт кыттааччыларыгар анал бириистэрин туттаран оҕолору үөртүлэр.
Кыттааччылар бары үрдүк таһымнаахтык, олус кыһамньылаахтык кытыннылар.
Суруйда: Лилиана Слепцова, 11 кылаас үөрэнээччитэ, “Мэҥэбил” медиа киин, В. П. Ларионов аатынан Майа орто оскуолата