Бүгүн, от ыйын 27 күнүгэр, үрдүк үөрэх кыһатыгар туттарсааччылар конкурснай испииһэктэрэ таҕыста. М.К. Аммосов аатынан ХИФУ испиисэгэ номнуо саайтарыгар таҕыста, ону манна көр. Онтон атырдьах ыйын 3 күнүгэр үөрэххэ киирии (приоритетнай) бирикээһэ тахсыахтаах.
Билигин оскуоланы быйыл бүтэрээччи биһиги юнкор оҕолорбутугар саамай долгутуулаах кэм. К.Д. Уткин аатынан Марха орто оскуолатын выпускнига Александр Федоров бэйэтин санаатын кытары үллэстэр.
— Оскуолабын ситиһиилээхтик бүтэрэн, БКЭ (ЕГЭ) этэҥҥэ туттаран, ситии-хотуу аттестатын ылан, олох киэҥ аартыгар үктэнэргэ бэлэммин! Бу сайын олох атыннык ааһан иһэр, тоҕо диэтэххэ, быйыл үөрэххэ туттарсар буоламмын, бу бүтэhик кэмҥэ олус долгуйа сылдьабын. Олохпут биир сүрүн кэрдиис кэмэ буолар үөрэххэ туттарсыы, хас биирдии хардыы олус суолталаах. Медосмотрбун этэҥҥэ ааспытым, заявленияларбын Госуслуги нөҥүө ыыппытым. Эдьиийим Сандаара миэхэ араас сүбэлэри биэрэр, онон мин араас кыһалҕалары көрсүбэппин. Кини көмөтүнэн барыта чэпчэкитик, сатабыллаахтык ааһан иһэр. Сайын буолан хас биирди киһи билигин окко сылдьар буолуохтаах – бу саха дьонун олохторун биир күүстээх түгэнэ этэннэ отпутугар киирэн хотуур тыаhа тыаhаабыта ыраатта, мин бу кэмҥэ үөрэххэ киирбит киhи уонна отпутун этэннэ оттоон бүтэрбит буоллар диэн санааҕа сылдьабын. Ол да буоллар, дьонум өйөбүлүнэн уонна инники кэскилгэ эрэллээх санаабынан мин бэлэммин! Саҥа олох, саҥа билии кэтэһэр!
Абитуриеннарга ситиһиилэри баҕарыаҕыҥ, санаабыккыт, талбыккыт санаа хоту сатаннын!
Кэскил14.ру