Мин дьиэ кэргэним-мин дьоллоох биһигим буолар. Биһиги ыал күөх сугун хатыҥнаах чараҥнардаах, үкэр күөх оттоох сыһыылардаах, сибэкки киэргэллээх хонуулардаах, киэҥ-холку Бүлүү эбэлээх Ньурба улууһун Ньурба куоратыгар олоробут.
Мин дьиэ кэргэммэр 2011 сыллаахха маҥнайгы оҕонон күн сирин көрбүтүм. Дьонум миигин киэҥ, холку майгылаах, ыраас санаалаах буоллун диэн сахалыы Далаана диэн сүрэхтээбиттэрэ.
Күн күбэй ийэм Вера Семеновна уонна аҕалаатар аҕам Олег Ярославович. Биһиги киэн туттар Ньурбабыт тыйаатырыгар айаллар-туталлар.Биһиги дьиэ кэргэҥҥэ оҕолор иккиэбит. Кырачаан быраатым Сахастал уһуйаан иитиллээччитэ.Ыал улахан оҕото буоламмын дьоммор көмө буолабын.
Биһиги дьиэ кэргэн үлэҕэ, сынньалаҥҥа бииргэ буоларбытын ордоробут. Холобур, өрөбүл күннэргэ бары бииргэ сонун ас астыыбыт,саас Антоновкаҕа сайыҥҥы дьиэбит таһын хомуйабыт.Бу биһиги ыал үгэспит буолар.
Мин иллэҥ кэммэр ийэлээх аҕам үлэлиир сирдэригэр — тыйаатырга сылдьааччыбын.Билэр артыыстарбын оруоллара уларыйалларын сөҕө-махтайа көрөбүн.Мин дьиэ кэргэним миэхэ күүс эбэр.Мин дьоллоох киһибин!
Конощук Далаана, VIII кылаас Ньурба элбэх хайысхалаах гимназията, Бүлүү дуораана пресс-киин юнкора, Бүлүү