Улуу Кыайыы 81 сылын көрсө биһиги кылаас уонна «Кыраайы үөрэтэр» куруһуок оҕолоро улуустааҕы оҕо библиотекатыгар олус үчүгэй тэрээһиҥҥэ сырыттыбыт. Аҕа дойду Улуу сэриитин историятыгар аналлаах викторина буолла. Бу күн библиотека үлэһиттэрэ, төрөппүттэрбит «саллаат хааһытынан» күндүлээтилэр. Саллаат хааһыта — бу көннөрү ас буолбатах. Бу туһунан оҕо библиотекатын методиһа Татьяна Васильевна бу курдук кэпсээтэ:
Бу сэрии ыарахан сылларыгар төрөөбүт дойдуларын көмүскээбит саллааттар тулуурдаах, бырааттыы өйдөрүн-санааларын бэлиэтэ. Сэриигэ хонуу куукуналара (полевая кухня) саллааттарга сэниэ-күүс биэрэрэ. Маннык тохтобулларга саллааттар күүс ылыналлара, сынньаналлара, сонуннарын атастаһаллара. Хааһы — саллаат аһылыгын төрдө этэ. Үксүн гречневай эбэтэр перловай бэлэмнииллэрэ — тото-хана, иҥэмтэлээх, тиийимтиэ курууппа. Тот саллаат — сэриилэһэр кыахтаах саллаат. Фроҥҥа анал байыаннай повардар ураты оруоллаах этилэр. Онон саллаат хааһыта дириҥ историческай ис хоһоонноох. Бүгүн саллаат хааһытын ыам ыйын 9 күнүгэр бэлэмниир үгэс (традиция) көлүөнэлэр ситимнэрин көрдөрөр. Бу күн биһиги көннөрү аһы боруобалаабаппыт — историяны таарыйабыт, эйэ иһин охсуспут аҕа көлүөнэбитин ахтабыт. Бу хорсун быһыы, кыайыы туһунан өйдөбүл буолар.
Маны таһынан Улуу Кыайыы күнүнэн тыыл ветераннарыгар, эһэлэрбитин, эбэлэрбитин эҕэрдэлээн открытка оҥордубут .
Кыайыы күнүнэн!
Н.И. Семенова, эбии үөрэхтээһин педагога,
Андрей Колесов, 4″в» кылаас, «Кыраайы үөрэтэр» куруһуок иитиллээчитэ, И.С. Гаврильев аатынан Намнааҕы 1№-дээх орто оскуолата, Нам