Кыайыыны уһансыбыт эһэлэрбит, хос эһэлэрбит Ийэ дойдуну көмүскээбит хорсун быһыыларын санатан, билиҥҥи кэмҥэ уот сэриигэ төрөөбүт дойдубутуттан сылдьар буойуттарбытын ахтан-санаан ааһар түгэммит буолар. Биһиги бүгүҥҥү ыалдьыппыт — Александр Егорович Находкин. Кини Николай Чусовской диэн Аҕа дойду сэриитин кыттыылааҕа, Сэбиэскэй Сойуус дьоруойун сиэнэ буолар. Эһээтэ Берлин соҕурууҥҥу-илин чааһын илин ылыыга Дьоруой үрдүк аатын ылбыта. Хас да сыллар кэнниттэн кини сиэнэ Александр Находкин Украинаҕа анал байыаннай дьайыыга сылдьан хорсун быһыытын иһин үгүс мэтээллээх, уордьаннаах.
Кини бойобуой суола-ииһэ 2014 сыллаахтан Донбасска боростуой рядовой саллааттан саҕаламмыта. Атырдьах ыйын 2022 сыллаахха Бахмут (Артемовскай куорат) илин эҥээригэр штурмҥа хамандыыра төбөтүгэр улаханнык бааһырбытыгар, кинини командованиета хамандыырынан анаабыттара. Ротаҕа барыта 115 киһилээх этэ. Сүрдээх улахан эппиэтинэһи сүкпүтэ. Икки күнү быһа туруулаһан туран,олус ыарахан балаһыанньаҕа хамандыыр мындыр толкуйунан, түргэн быһаарытынан аҕыйах сүтэриилээх Бахмут соҕрууҥҥу-илиҥҥи чааһын босхолообуттара. Кэлин балыыһаҕа эмтэнэн баран, 2024 сыллаахха тохсунньу ыйга РФ миноборонатын кытта илии баттаһан, спецэтэрээккэ разведчигынан, стрелогунан, аэроразведка хамандыырынан сулууспалаабыта.
Бүгүҥҥү торжественнай кылаас чааһыгар оскуолабыт 6 уонна 7 кылаастара кытыннылар. 6 “б” кылааһын оҕолоро «Сахам Сирэ» диэн ырыанан тэрээһини аспыттара. Ол кэнниттэн 3 “б” кылаас оҕолоро сэрии туһунан хоһоону доргуччу аахпыттара. Александр Егорович бэйэтин оҕо сааһын туһунан кэпсээбитэ. Кини Дьокуускай куоратын 26 нүөмэрдээх орто оскуолаҕа үөрэммитэ. Оскуолаҕа сылдьан сөбүлүүр уруога история уонна биология эбит диэн ахтар. Александр сүрдээх хамсаныылаах оҕо буолан, футбол уонна догонялки оонньуур эбит. Бэйэтэ оҕолорго элбэхтик спордунан дьарыктанын диэн сүбэлээтэ. Ол курдук билиҥҥи диэри спорду өрө тутар. Ыам ыйын 3 күнүгэр «Казанский марафон» 21 км полумарафоҥҥа кэргэнин кытта сүүрбүтэ. Дьоруой кэпсээнин оҕолор бэркэ болҕомтолоохтук иһиттилэр. Интэриэһиргээбит ыйытыктарыгар сиһилии эппиэтээтэ.
Биһиги оскуолабытыгар маннык дьоннору көрсөрбүт олус үчүгэй. Биһиги тугу эрэ саҥаны билэн, Ийэ дойдубутунан киэн туттуубут өссө күүһүрэр. Куруук Ийэ сирбитигэр эйэлээх олох эрэ баар буоллун!
Васильева Валерия, 7 «в» кылааһын үөрэнээччитэ, «Сайдын” медиа киин юнкора