Кыайыы күнэ – бу хорсун быһыы уонна биһиги эһээлэрбит, хос эһээлэрбит эр санааларын бэлиэтэ буолар. Улуу Кыайыы 81-с сылын көрсө, Кэбээйи орто оскуолатыгар ыам ыйын 4 күнүттэн бүтүн Арассыыйатааҕы Кыайыы түннүгэ («Окно победы») диэн акция ыытылла турар.
Бу акцияҕа 1 кылаастан 11 кылааска диэри бары сыл аайы кыттабыт. Биһиги билиҥҥи эйэлээх олохпут туһугар хорсуннук сэриилэспит эһэлэрбит, убайдарбыт, хос эһэлэрбит ааттарын харыстаан, умнубат туһугар маннык акцияларга көхтөөхтүк кыттабыт.
Бу күннэргэ оскуолабытыгар хас бирдии кылаас түннүгэ киэргэнэн турар. Манна бааллар Кыайыы Знамята, геройдар мэтириэттэрэ, фронтовай суруктар, хоһооннор. Таһырдьа ааһан иһэр дьон биһиги түннүктэрибитин көрө-көрө, күннэрэ үчүгэйдик ааһыа диэн эрэнэбит. Мин кылааһым оҕолорун кытта эмиэ туора турбакка, акцияҕа көхтөөхтүк кытынныбыт. Кумааҕынан холууп, сибэкки о.д.а. кырыйан, эйэлээхтик сыһыардыбыт.
Хас биирдии маннык түннүк – бу киэргэл эрэ буолбатах. Бу – тыыннаах история, биһиги эйэлээх олохпут өйдөбүлэ.
Акция ыам ыйын 9 күнүгэр диэри ыытыллар уонна инникитин да салгыы буолуо диэн эрэнэбит!
Карина СЫРОВАТСКАЯ, VII кылаас, «Дьоҕур» медиакиин, Кэбээйи орто оскуолата