Бэҕэһээ, муус устар 29 күнүгэр, Судаарыстыбаннай Думаҕа ыытыллыахтаах быыбары кытары сибээстээх «Информирование о выборах: обновление подходов и форм» стратегическай сессия буолан ааста. Тэрээһини Саха Өрөспүүбүлүкэтин Эдэр ыччатын избирательнай хамыыһыйата тэрийэн ыытта.
Стратегическай сессияҕа политическай баартыйалар актыбыыстара, араас медиа тэрилтэ үлэһиттэрэ, көхтөөх политическай позициялаах устудьуоннар кыттыыны ыллылар.
Кыттыылаахтар 5 тэҥ хамаандаҕа арахсан үлэлээтилэр. Хас биирдии хамаанда сүрүн сыала: бэриллибит хайысханы арыйан, сорудахтары толоруу буолла.
Оннук курдук, 1 хамаанда «Совершенствование информационных материалов о выборах: визуальные, печатные, аудиовизуальные и иные», 2 хамаанда «Обновление информационных материалов, распространяемых посредством телерадиокомпаний и периодических печатных изданий», 3 хамаанда «Повышение эффективности сетевых изданий в информированиии о выборах», 4 хамаанда «Социальные сети и мессенджеры: оперативный и доступный способ распространения информации о выборах», 5 хамаанда «ИнформУИК: способы и формы взаимодействия с избирателями» хайысхаларынан үлэлээтилэр.
Үлэлэрэ 3 түһүмэҕинэн барда:
1 түһүмэх: быыбардааччылары бөлөхтөргө араарыы. Хамаандалар сүрүн истээччилэри саастарынан, үлэлиир хайысхаларынан, олорор сирдэринэн араардылар уонна хас биирдии бөлөх психологическай мэтириэтин оҥордулар. Ону тэҥэ хас биирдиилэригэр туспа сыһыан, стратегия наадалааҕын быһаардылар.
2 түһүмэх: быыбардааччылары кытары хайдах үлэ ыытыллыахтааҕын туһунан толкуйдааһын. 1 түһүмэххэ араарбыт бөлөхтөрүн туһанан судаарыстыбаҕа баар ханнык медиа инструменнары туһаныахха сөбүн толкуйдаатылар.
3 түһүмэх: аполитичнай позициялаах дьону хайдах быыбарга кытыннарыахха, ыҥырыахха сөбүн туһунан толкуйдааһын. Хамаандалар быыбар үлэтигэр улахан тэрилтэлэри, блогердары, биллэр дьоннору кытыннарыахха сөп диэн этии киллэрдилэр. Үлэ хайдах халыыбынан барыахтааҕын быһаардылар. Холобур: мессенджердарга өйдөнүмтүө, хаартысканан эбэтэр инфографиканан оҥоһуллубут кылгас текстэр, оттон социальнай ситимнэргэ кылгас уһуннаах видеолар туһалыахтарын сөп диэн эттилэр.
Хас биирдии түһүмэх кэннэ кыттыылаахтар тахсаннар үлэлэрин көмүскээтилэр уонна ыйытыыларга хоруйдаатылар. Стратегическай сессия олус эйэлээх, үөрүлээх эйгэҕэ буолан ааста, тэрийээччилэр элбэх саҥа санааны, сыһыаны иһиттибит диэн кыттыылаахтары хайҕаатылар. Кэлэр быыбар үлэтигэр эһиги үлэҕит көмө буолуо диэн эрэннэрдилэр.
Николай АНДРЕЕВ
keskil14.ru