Муус устар 27 күнүгэр, Саха Өрөспүүбүлүкэтин күнэ бэлиэтэнэр. Ол курдук, 1922 сыл муус устар 27 күнүгэр саха норуотун чулуу уолаттара Былатыан Ойуунускай, Максим Аммосов, Исидор Барахов, Семен Аржаков Саха сирэ автономиялаах буоларын ситиспиттэрэ. Ол саха омуга сайдыытыгар төһүү күүс, бигэ тирэх буолбута.
Өрөспүүбүлүкэ күнүн көрсө оскуолабытыгар араас тэрээһиннэр буоллулар. Ол курдук, нэдиэлэ устата «Радуга настроения: цвета Якутии» диэн республикатааҕы аахсыйаҕа көхтөөхтүк кытынныбыт.
Оскуола бары үөрэнээччилэрэ уонна учууталлара Саха сирин чулуу судаарыстыбаннай уонна политическэй диэйэтэллэрин сырдатар үөрүүлээх линейка мустан, дойдунаат санааларын бөҕөргөттүлэр.
Бу бэлиэ күн оскуолабыт киирии ааныгар сарсыардаттан эбии үөрэхтээһин педагогтара алгыстаах алаадьынан барыбытын көрүстүлэр, сахалыы өй:билии уонна хамсаныылаах оонньуулары тэрийдилэр.
Үөрүүлээх линейкабыт оскуолабыт иҺинэн тэриллибит хорун толоруутугар Сахабыт сирин туһунан ырыанан арылынна. Өрөгөй гиминэн доҕуһуолланан Дойдубут былааҕын көтөҕөргө оскуолабыт 9-с кылааҺын туйгун үөрэнээччилэрэ Дуолан Павловка уонна Айыллаана Гуляеваҕа тигистэ.
«Уолан» кылаас оҕолоро хомус алыптаах тыаһынан эҕэрдэлээтилэр уонна күммүт оһуохайынан түмүктэннэ. Оһуохайы сэттис кылаас үөрэнээччитэ Алия Терехова таһаарда.
Ону тэҥэ, 5-11 кылаас үөрэнээччилэригэр историяны билиигэ викторина, Ф.И. Бондарев бирииһигэр коллекционердар быыстапкаларын , онтон да атын күрэхтэр кыайыылаахтарын бэлиэтээтибит.
Онон, бу нэдиэлэ биҺиэхэ умнуллубаттык уонна сэргэхтик ааста.
Үүнэ-сайда тур, Сахабыт Сирэ!
Сайаана Терехова,11 кылаас
«Дьоҕур» медиакиин, Кэбээйи орто оскуолата