Эбээн-Бытантай национальнай улууһугар иитиллэр хороҕор муостаах саха ынаҕа хойуу сүөгэй үүттээҕинэн, сыа быыстаах эттээҕинэн, аһыгар талымаһа суоҕунан, тулуурдааҕынан биллэр.
Муус устар 17 күнүгэр Кустуур орто оскуолатын 6-7 кылаас үөрэнэччилэрэ саха ынаҕа турар хотонугар тахса сырыттылар. Ол курдук, оҕолор саха ынаҕар килиэп хочуруоскатын уонна ас тобоҕун мунньубуттарын таһааран, сүөһү эбии аһылыгар күүстээх көмөнү оҥордулар.
Биир үөрэнээччиттэн биирдии бакыат эбит буоллаҕына, ол аата барыта 16 устуука бакыат ас тобоҕун ынахтарга мустубут. Ас тобоҕо туһата суохха бөххө барыахтааҕар, ынахтарга ас буолан таҕыста.
Волонтер оҕолор мантан саас хотоҥҥо баран, күүс-көмө буолалларыгар былаанныыллар. Мантан ыла биһиги үлэ уонна көмө диэни элбэхтэ истэр уонна билэр буолуохпут.
Стас ПОПОВ,
Кустуур орто оскуолатын 8 кылааһын үөрэнээччитэ,
«Биракчаан» медиа-киин эдкора.
Кэскил14.ру