Бу тэрээһиҥҥэ 5 кылаас кыргыттарыттан саҕалаан 8 кылааска диэри кыттыыны ыллылар. Оскуолабыт саха тылын учууталлара иилээн-саҕалаан ыыттылар. Тэрээһини 5 «г» кылааһын оҕолоро сахалыы норуот ырыатынан астылар. Хас биирдии кылаастар эрдэттэн бэлэмнэммиттэрэ көстөр. Кылааһынан сахалыы таҥнан кэлэн, хамаандалар сахалыы ааттанан, девиз этэн бэйэлэрин билиһиннэрдилэр. Күрэхтэһии барыта биэс түһүмэҕинэн ыытылынна.
Саамай сүрүн түһүмэҕинэн күөрчэҕи бириэмэҕэ ытыйан көрдөрүү буолар. Манна саамай кылгас кэмҥэ (27 сөк. иһигэр) күөрчэҕи ытыйан 7 “в” кылааһын үөрэнээччитэ Васильева Валерия оскуола иһинэн рекорду олохтоото. Бу түһүмэххэ кыргыттар эрдэттэн иһиттэрин, ытыктарын бэлэмнээн, араас сир аһын барыанньаларын күөрчэххэ кутан өссө минньиттилэр. Күөрчэҕи ытыйыы таһынан, кыргыттарбыт төрөөбүт дойдуларыгар сыһыаннаах араас хабааннаах тиэмэлэргэ билиилэрин көрдөрдүлэр.
Ол курдук, саха сирин биллиилээх дьахталларын таайдылар, кинилэр тустарынан билиилэрин кэҥэттилэр. Өссө 3-4 түһүмэхтэринэн сахалыы иһити-хомуоһу, төрүт таҥаһы-сабы, кыыс, дьахтар киэргэллэрин төһө билэллэрин эмиэ кэпсээтилэр. Маны таһынан, кыргыттарбыт бэйэлэрин талааннарын дьүүллүүр сүбэҕэ көрдөрдүлэр. Биһиги кыргыттарбыт олус талааннаахтар эбит. Хомуска оонньоон, ырыа ыллаан, үҥкүүлээн “Күөрчэх күрэҕин” олус киэргэттилэр. Онон, маннык түмүк таҕыста:
5 кылаастарга:
1 м. – 5 “в, 5 “г” кылаастар
2м. – 5 “а” кылаас
3м. – 5 “б” кылаас
6 кылаастарга:
1м. – 6 “в”
2м. – 6 “б”
3м. – 6 “а”
7 кылаастарга:
1м. – 7 “в”, 7 “г”
2м. – 7 “д”
3м. – 7 “а”, 7 “б”
8 кылаастарга:
1м.- 8 “а”, 8 “в”
2м. – 8 “г”
3м. – 8 “д”
Кыттааччыларга барыларыгар грамота уонна минньигэс бириис туттардылар.
Павлова Ангелина 7 «д» кылааһын үөрэнээччитэ, “Сайдын” медиакиин эд.корреспондена.
Видео уонна хаартыскалар: Максимова Сандаара, Алексеева Алиса 5 “в” кылааһын үөрэнээччилэрэ.
Кэскил14.ру