“Арассыыйа норуоттарын сомоҕолоһууларын”, Өрөспүүбүлүкэҕэ “Култуура” уонна Тааттаҕа «Айар Ситим» сылларыгар аналлаах оскуола оҕолоругар ыытыллар «Кыталык Куо-2026» уонна «Үрүҥ Уолан-2026» күрэх Ытык – Күөл сэлиэнньэтигэр «Сатабыл» оҕо айымньытын дьиэтин тэрийиитинэн 2026 сыл кулун тутар 6 күнүгэр бэрт сэргэхтик буолан ааста.
Саха нарын кыыһын, эркин курдук эрэнэр уол оҕо дьоҕурдарын, талааннарын, сатабылларын көрдөрүү, киэҥ көрүүгэ-истиигэ таһаарыы бу күрэх сүрүн сыалынан буолла. Өксөкүлээх Өлөксөй «Кырасыабай кыыс» айымньытыгар суруйарын курдук «сайаҕас сайдам санаалаах», «куһаҕан диэни булбат», «майгылаах бастыҥа», «сүрэхтээх үтүөтэ»- «Кыталык Куо-2026» уонна чөл куттаах, сайдыылаах, кэскиллээх, дьоҕурдаах «Үрүҥ Уолан — 2026» талыы буолар.
Күрэххэ 14-18 саастаах оскуолаҕа үөрэнэр кыргыттар уонна уолаттар, барыта 18 оҕо кыттыыны ыллылар.
Тааттабыт инники кэскиллэрэ, үөрэх, спорт бастыҥнара, талааннаах талбалара улуус 9 оскуолатыттан кэлэн бэйэлэрин сатабылларын көрдөрдүлэр, күөн көрүстүлэр.
Күрэх түөрт түһүмэҕинэн ааста:
- Кыргыттарга уонна уолаттарга тус – туһунан күрэхтэр
- Кыыс тупсаҕайдык туттан, дьүөрэлээн араас оҥоһуктары оҥоро үөрэниэхтээх, киэргэтэн биэрэргэ сыстаҕас буолуохтаах. Хайдах, туохтан оҥоһулларын билэ-көрө сатыахтаах, чэбэрдик туттарга үөрэниэхтээх. Сырдык өҥнөөх футболкаҕа кыыс оҕо бэйэтин баҕатынан, эскиһинын ойуу түһэрии буолла
- Уолаттарга чөл олоҕу пропагандалыыр сыаллаах, күүс – уох өттүн тургутан көрүүгэ сахалыы күүс оонньуулара:ох саанан ытыы, уһуну ыстаныы, мүнүүтэҕэ тардыныы буолла
- Талаан нөҥүө бэйэни билиһиннэрии
- Билиини – көрүүнү тургутан көрүүгэ – араас ыйытыктарга хоруйдаатылар
- Харах иҥнэр кэрэтэ, санаа иҥнэр абылаҥа түһүмэххэ вальс үҥкүүлээтилэр.
Орто туруу дойду кыталык курдук кынтайбыт, кырынаас курдук кылбайбыт, алаһа дьиэни арчылыыр кыыс оҕонон айхаллаан, уһун курбуу уҥуохтаах, быыппастар былчыҥнаах, булугас – талыгас, өйдөөх уол оҕонон уруйданан биһиги Тааттабыт киэн туттар ыччаттардаах буолууһубут.
Бары кыттааччылар бииртэн биир үчүгэй нүөмэри көрдөрөн көрөөччүлэри, дьүүллүүр сүбэни сөхтөрдүлэр, сонунтан сонун сатабылларынан соһуттулар, талааннарын таһааран үөртүлэр.
Күрэҕи сырдыгынан сыдьаайан, үөрүүнэн угуттаан иилээн-саҕалаан ыыттылар “Ситик” оҕо тэрилтэтин лидердара Инна Максимова уонна Афанасий Канаев.
Күрэхтэр дьүүллүүр сүбэлэринэн буоллулар:
Кыталык кыргыттарга:
— Сартаева Евдокия Ивановна – Оҕо айымньытын дьиэтэ Сатабыл старшай методиһа, дьүүллүүр сүбэ бэрэссэдээтэлэ.
— Захарова Татьяна Ивановна — «Кустук» оҕо образцовай драматическай театрын салайааччыта
— Рахлеева Нюргустана Титовна – Кэнчээри оҕону сайыннарар киин хореограба, Саха Өрөспүүбүлүкэтин үөрэҕириитин туйгуна.
— Аргунова Лидия Петровна – Таатта улууһун Киин библиотекатын сүрүн библиотекара, “Күн Чөмчүүк” норуодунай ансаамбылын чилиэнэ.
— Ефимова Анастасия Михайловна — Федот Семенович Аргунов аатынан оҕо искусстватын оскуолатын хореограба, 2012 сыллаах Кыталык Куо күрэх кыайыылааҕа.
Уолан уолаттарга:
— Тарасов Михаил Петрович – Таатта улууһун социальнай көмүскэл биир кэлим киинин салайааччыта, дьүүллүүр сүбэ бэрэссэдээтэлэ.
— Павлов Федор Иванович — Таатта улууһун социальнай көмүскэл биир кэлим киинин стационарын сэбиэдиссэйэ, “Золотое Перо Руси” национальнай литературнай премия лауреата, Саха Өрөспүүбүлүкэтин ыччат политикатын туйгуна.
— Алексеев Алексей Алексеевич – Тааттатааҕы лицей педагога, Саха Өрөспүүбүлүкэтин үөрэҕириитин “Надежда Якутии” знак хаһаайына.
— Харайданов Александр Гаврильевич – Владимир Ильич Ленин аатынан Уолба орто оскуолатын директоры иитэр үлэҕэ советнига, “Уолбан” вокальнай ансаамбыл солиһа.
— Николаев Александр Веркатиевич – Сатабыл Оҕо айымньытын дьиэтин педагога
- Күрэх тэтимнээхтик, үрдүк таҺымнаахтык ааста, ол түмүгүнэн «Кыталык Куо — 2026″, » Үрүн Уолан — 2026″ аатын сүктүлэр: Ирина Харитонова Ытык Күөл бастакы нүөмэрдээх орто оскуолатын үөрэнээччитэ уонна Эрчим Евграфов Туора Күөл орто оскуолатын үөрэнээччитэ буоллулар.
Номинацияларга тигистилэр:
Кыргыттар:
- Мисс «Очарование» — Сильвия Иванова, Чычымах орто оскуолата
- Мисс «Грация» — Ксения Чемпина, Даайа Амма орто оскуолата
- Мисс «Интеллект» — Уруйдаана Адросова, Баайаҕа орто оскуолата
- Мисс «Талант» — Александра Христофорова, Уус Таатта орто оскуолата
- Мисс «Дружба» — Сахалена Макарова, Игидэй орто оскуолата
- Мисс «Национальный костюм» — Аксиния Жегусова, Чөркөөх орто оскуолата
- «Приз зрительских симпатий» — Лидия Саввина, Дьохсоҕон орто оскуолата
- Мисс «Стиль» — Ирина Харитонова, Ытык Күөл бастакы нүөмэрдээх орто оскуолата
- Мисс «Сатабыл» — Нарина Кузьмина, Туора Күөл орто оскуолата
Уолаттар:
- Мистер «Талант» — Дамир Массаев, Даайа Амма орто оскуолата
- Мистер «Интеллект» — Айсен Павлов, Чычымах орто оскуолата
- Мистер «Дружба» — Дьулус Хатылаев, Баайаҕа орто оскуолата
- Мистер «Национальный костюм» — Айхал Корякин, Чөркөөх орто оскуолата
- «Приз зрительских симпатий» -Эрчим Евграфов, Туора Күөл орто оскуолата
- Мистер «Спорт» — Дьулустаан Малышев, Дьохсоҕон орто оскуолата
- Мистер «Бэргэн» — Роман Захаров, Игидэй орто оскуолата
- Мистер «Стремление» — Сергей Макаров, Ытык Күөл бастакы нүөмэрдээх орто оскуолата
- Мистер «Сатабыл» — Айаал Колодезников, Уус Таатта орто оскуолата
Күрэх үрдүк таһымҥа барарыгар уонна кыттааччылар түһүмэхтэргэ бэлэмнэнэн киириилэригэр бириэмэ биэрэн ыллаан – туойан, үҥкүүлээн киэргэттилэр: “Кылыыҥкай” оҕо үҥкүү образцовай ансаамбыла, «Танцевальный MIX» куруһуок үҥкүүһүттэрэ, “Ситик” оҕо тэрилтэтин үҥкүүһүт, ырыаһыт, квн-щик оҕолоро, фольклорнай ансаамбыл олоҥхонон, тойугунан, Лева Тарасов, Айаал Сенькин, Амила Тистяхова, Альмира Пономарева ырыанан киэргэттилэр.
Тэрийээччилэр ааттарыттан бары спонсордарбытыгар, күрэххэ кыттыбыт оҕолорбутугар, дьүүллүүр сүбэҕэ уонна күндү көрөөччүлэрбитигэр барҕа махталбытын тиэрдэбит. Таатта улууҺун оҕону үтүөҕэ-кэрэҕэ угуйар, үөрэтэр оҕо айымньытын дьиэтэ «Сатабыл» ыытар тэрээһиннэригэр инникитин да көхтөөхтүк кыттаргытыгар, сэмэй кылааккытын киллэрэ тураргытыгар баҕарабыт.
Күрэхпит ситиһиилээхтик, үөрүү үктэлинэн угуттанан, өрө көтөҕүүлээхтик ыытылларыгар күүс-көмө буолбут спонсордарбытыгар улахан махталбытын этэбит. Эһиги көмөҕүт, өйөбүлгүт биһиги тэрилтэбит үлэтэ-хамнаһа ситэри буоларыгар улахан төһүү күүс буолар. Тааттабыт ыччата куруутун үөрэ-көтө, үүнэ-сайда сылдьалларыгар, төрөөбүт улууспутугар күүс-көмө, эрэллээх тирэх буолар дьоннордоох эбиппит диэн астына, махтана олороллоругар улахан оруоллааххыт, дириҥ махталбытын этэбит.
Тааттатааҕы «Сатабыл» оҕо айымньытын дьиэтэ
keskil14.ru